Oasis Corner (已結業)

呢晚約咗好耐冇見嘅舊同事～ 佢係少有仲會約出嚟見面食飯嘅舊同事🤭，可能大家都鍾意食好東西掛～ 於是我哋就約咗喺九龍東嘅中心地帶 — 觀塘食嘞～ 於是就揀咗呢間輕食嘅工廈Café。南瓜蓉椰汁奶凍茶味卷蛋🎃擺喺面嘅南瓜蓉有少少甜甜嘅南瓜味，感覺幾特別！成件卷蛋入面，椰汁奶凍嘅味道係最出嘅，咁我最鍾意食有奶味嘅嘢，所以我係鍾意嘅～ 仔細咁樣再食落去，發現有淡淡嘅茶香味喺卷蛋度🧽，食落感覺幾清新～～黑松露蝦意大利粉🇮🇹第一啖食落去，入面嘅蒜油香味好出，出到有少少蓋過咗黑松露嘅味道🤏🏻，又或者係黑松露醬落得唔夠多，唔算太食到黑松露嘅味道。🤔🤔 不過整體份量同味道都可以嘅，意粉🍝乾身、食落係彈牙嘅～ 只係黑松露味可以再出多少少咁就更好！黑毛豬三文治🥪賣相望落去好似喺外國買嘅外賣咁🥡，可以幻想到自己坐住喺公園嘅長凳度；左手拎住杯嘢飲，右手就揸住呢個三文治食緊～ 不過係靚嘅！！無論係燒嘅包面，定係入面嘅餡料，都係好賞心悅目嘅～ 入面嘅蕃茄片🍅同生菜🥬食落好juicy同新鮮。唔少得嘅梗係入面嘅黑毛豬片啦～ 勝在有豬味之餘，又有返些少咀嚼感。本身好憎啲肉一咬就散，唔知自己食緊啲乜⋯⋯ 同埋食到尾嘅時候，成