龍城冰室

營業中

休息中

平時食開隔離嘅紅X，午飯時間見紅X條隊咁長，撞啱龍城冇人排隊，烈日當空下勁熱勁曬，於是就走去龍城。我排第1，跟住條隊開始慢慢越嚟越長，未有位要等正常，但職員多次係咁放後面的2至4人入去。烈日底下乾煎咗15分鐘忍唔住問職員係咪唔歡迎做1人生意。其實1人佢咪又係安排搭2人枱，做生意明嘅，但已經放咗多張2人入去，係咪應該係時候安排1人入座。阿姐望一望仲係叫我等。再曬多5分鐘佢仲係放2人入去，排第1但頭尾排咗20多分鐘。嬲咗即走，過返去隔離紅X隊尾排過，可能過咗開飯入座時間高峰吧，排5分鐘就有位，急急腳食完就返工。發誓以後唔幫襯龍城！