影片
更多
2006-01-04
15 瀏覽
一行六人8點幫襯晚飯，落到去見無セ客，經理同部長响梯口傾緊計，企响佢哋面前同佢哋話六個人，可能佢哋傾得太入神所以無理到我，企咗一陣同朋友研究緊坐邊度好部長先發現我哋，跟住就帶咗我哋直入到大堂尾上高臺柱後面大枱，枱與枱之間都幾迫吓。坐低後問侍應呢度食唔食得煙，佢竟然答我本來唔得嘅不過你食就比個煙灰盅你啦，我再問咁邊度先可以食煙呢？佢就話唔緊要啦，照食得啦，哈！咁都得。特價小菜都唔係特別平，平均38蚊至48蚊，特別优惠就幾抵，分別有魚、蝦、蟹等等。魚有甚麽海斑同其他兩款唔記得セ嘢魚，2至5人可叫一份，6人就2份，海斑48蚊條，我哋就叫1條斑同1條18蚊嘅魚，但個侍應就話唔得，一定要同一款，一係兩條48或兩條18，想多元化啲都唔得，唔識變通嘅規舉，不如唔好比啦，最後唯有叫咗兩條斑同5個小菜及2個18蚊嘅小食。等咗都幾耐啲菜先陸續咁嚟，嘩！原來兩條斑每條都唔夠1呎長，兩條加埋要成舊水，如果以优惠價嚟講就唔係咁抵啦。其他啲小菜碟頭比一般酒家細，不過味道都ok，而啲砵仔蒸飯除咗用砵仔上特別啲之外，真係無セ可取，啲飯又乾又硬又無飯味。食吓等吓嘅情況下食到尾聲都成個鐘啦，但係重有個葡汁焗四蔬未到，於是
坐低後問侍應呢度食唔食得煙，佢竟然答我本來唔得嘅不過你食就比個煙灰盅你啦，我再問咁邊度先可以食煙呢？佢就話唔緊要啦，照食得啦，哈！咁都得。
特價小菜都唔係特別平，平均38蚊至48蚊，特別优惠就幾抵，分別有魚、蝦、蟹等等。魚有甚麽海斑同其他兩款唔記得セ嘢魚，2至5人可叫一份，6人就2份，海斑48蚊條，我哋就叫1條斑同1條18蚊嘅魚，但個侍應就話唔得，一定要同一款，一係兩條48或兩條18，想多元化啲都唔得，唔識變通嘅規舉，不如唔好比啦，最後唯有叫咗兩條斑同5個小菜及2個18蚊嘅小食。
等咗都幾耐啲菜先陸續咁嚟，嘩！原來兩條斑每條都唔夠1呎長，兩條加埋要成舊水，如果以优惠價嚟講就唔係咁抵啦。其他啲小菜碟頭比一般酒家細，不過味道都ok，而啲砵仔蒸飯除咗用砵仔上特別啲之外，真係無セ可取，啲飯又乾又硬又無飯味。
食吓等吓嘅情況下食到尾聲都成個鐘啦，但係重有個葡汁焗四蔬未到，於是同部長催單啦，佢就答我話焗係要等耐少少架，唉！你真係當我儍架！焗薄餅都唔駛成個鐘係嘛！漏單咪漏單囉，應酬說話都要有說服力吖！
最後千呼萬喚個焗四蔬先到，一睇就睇得出邊有焗過呀！到最尾叫糖水啦，8蚊份，嚟嘅時候都錯哂，叫咗嘅無嚟，無叫嘅就嚟，真唔掂！
埋單酸菜趙咗你48、芥醬36，連5枝燕京加埋10%一共620蚊找數，咁嘅水準，唔抵！無下次
張貼