和匠日式燒肉店

營業中

休息中

又再黎佐敦和匠，掛住佢既燒牛肉同海鮮。先叫日本安曇野豆腐沙律$62，胡麻醬另上，可隨心調味。再叫了兩碟小食韓風泡菜$38，泡菜爽口，微辣；芥辣八爪魚粒$48，好滑，好煙韌。主角出現，叫了美國Prime牛小排$138，脂肪網紋明顯，見出分佈均勻，店員細心堅持教我地燒，燒至有油滲出，可以反轉，只需反一次，燒至梗熟，食到入口即溶，仲有同牛角切$168，大大粒，食下好重牛香油味。仲有鹽燒豚腩肉$80，一碟有好多粒，軟淋淋口感。還有豚腩肉，同樣燒一面見到肥肉霧油，可反轉燒至焦香。海鮮開始登場，日本產帆立貝$88兩隻，有牛油蒜蓉黑松露調味，好大隻，燒至大半熟透，帶子好爽口。特大緬甸虎蝦$260兩隻，手掌咁大隻。要四面燒勻，熟透，好大隻爽口彈牙。還有叫了銀鱈魚$148，超香鮮甜，肉質有質感。再叫了Asahi $30同Mango Mocktail $28每人六百幾蚊，食到靚牛靚海鮮，合理價錢呀。