和牛燒肉‧純

作為食肉動物嘅我今晚又出動去穩食喇，今晚去食好多人都推薦嘅和牛燒肉 純，自聽講以嚟，呢間店評價都好高，牛肉中嘅NO.1，就去一探究竟，睇下有幾好食，原嚟呢度系自助烤肉形式，自己點肉，然后自己動手烤肉。等陣好多肉，先食個涼拌野菜嚟墊下胃，野菜醋物，酸酸嘅醋令人覺得特別開胃，青菜新鮮到好似剛摘落嚟咁，紫菜唔腥，好脆，每人一份醬汁，等陣食烤肉用，仲配個四分一個檸檬提鮮。點菜嘅時候有配一張牛嘅說明圖，比你睇下想點邊部分嘅牛肉，呢間店和牛好出名，相信每一份肉都有反咁上下，日本進口嘅和牛三角牛排肉，唔同一般烤肉切得薄，佢地系厚切，而且肥瘦相間，肥肉占40%，厚切烤起嚟原嚟更好食，和牛肉好靚，入口即化，食完后有回甘，雖然好多肉，但一D都唔覺得油膩，品質好好，令人食唔停口。日本產和牛上肩眼，呢部分嘅牛肉唔多，所以顯得特別珍貴，睇上去好肥，但呢部分嘅肉好甘香，同樣都系入口即化，但肉質各有千秋，都系咁好食，除左牛肉，仲有三文魚刺身，選材都好嚴謹，每一啖都覺得好享受。