瀛鍋

營業中

休息中

最近無意中發現有間好適合一家大細嘅火鍋店🍲👨‍👩‍👧‍👦 朋友介紹話呢度嘅刺身、海鮮都好新鮮生猛，好多火鍋配料：丸類、餃類都係新鮮手打自家出品，去完認真無介紹錯👍🏼 仲要原來入面竟然有個幾大下嘅兒童遊樂場🤩🥰小朋友玩下煮飯仔又得，打卡又得；門口有個酒櫃，紅酒白酒都有🍷🍻，小朋友玩既同時家長們又可以一邊把酒談心；加分位係環境闊落、職員細心，見海鮮殼滿晒又會主動換碟，坐得安落、食得舒服👍🏼🍲一品海鮮冬瓜環鍋店員推介嘅呢款鍋底都好足料下，有鮑魚、帶子、海蝦、瑤柱、雲腿、雞、竹笙、冬瓜，冬菇，湯料都好滋陰養生，似足屋企媽媽煲嘅靚湯咁清甜，忍唔住飲咗3碗☺️🐟海納魚刺身賣相無得頂，刺身晶瑩剔透；肉質仲好爽口、鮮美，煙韌有咬口，淡淡甘甜，完全無腥味🥟水餃鮮蝦雲吞、韭菜肉碎餃都係餐廳自己每日新鮮製作，幾鍾意個雲吞，皮薄而且形狀飽滿，蝦肉都尚算肥美；韭菜餃口感都好煙韌，充滿清香🍡手打四寶丸難得嚟到就當然要試吓馳名嘅自作手作丸，每份各有兩粒豬丸、牛丸、蝦丸及墨丸。全部都係新鮮手打，特別爽口彈牙、有嚼勁！📍瀛鍋 (九龍城) @eirestaurant 九龍城福佬村道82-84號福成閣地下A-B號舖