秘撈 (已結業)

終於考完試，一放學就同小朋友去D2玩一陣同埋行街，行街咁啱見到間新開左的台式小食店，有麻醬撈麵，即刻諗起細個嘅時候放學去街邊食撈麵，不過而家當然進步咗，喺商場嘆住冷氣，不過呢個撈麵用杯裝，感覺幾得意，見佢有套餐價錢亦合理，買俾小朋友試吓順便飲杯芋香珍珠奶茶，下茶食分量剛剛好，而家天氣咁熱食冷麵啱晒。見到價錢唔貴，所以我哋決定玩多陣，一於夜晚都唔煮飯，外賣俾埋老公同細佬一齊食，碗麻辣牛肚撈麵真係超級抵食，勁大碗，超級足料，我懷疑入邊有足足兩個面，食極都有，牛肚好淋，麻辣夠香，開胃好味。小食除咗點左鹽酥雞，最驚喜係麻辣豬耳，切得比較幼細，加上豬耳本身夠爽口，非常好味，同埋每款小食入邊都會有青瓜，青瓜好爽甜，好好味，我哋自己加碗白飯，一家四口已經食到超飽。最後食埋兩碗台式甜品，雖然我個人覺得偏甜左少少，不過芋圓有口感，仲有我最鍾意食嘅小丸子，放入雪櫃夠晒清涼， 咁大碗，可以一碗兩份食，真心抵食。