韓牛牧場 (已結業)

經過銅鑼灣，試一試 光波爐任食韓燒。位置： 都容易搵，銅鑼灣地鐵站Times Square出口行5分鐘就到。環境： 坐得多比較寬敞，有自助任食沙律吧，用QR code自己叫嘢食。上菜都叫快，每張枱有一個光波爐機，自動轉嘅，你擺嘢食上去就可以，會自己轉唔使驚會燒燶。佢有三個套餐- 最貴，又多好多海鮮- $298/一位，有海鮮拼盤同牛肉，豬肉- 淨係食豬嘅咁我哋第一次去就要$298一位嗰個套餐任食120分鐘。嘢食：有任食沙律吧，款式都叫多有刺身壽司可以用QR code叫韓式炒豬大腸- 抵讚因為好少見，以後整得幾好食。雪糕- 有黑糯米雪條，第一次見！不錯不錯👍🏻👍🏻同其他韓燒🔥任食嘢飲嘢食方面冇乜分別。光波爐會令到嘢食本身水份燒乾，冇韓燒，明火燒啲肉咁香。個轉盤又好慢，大概平均要燒5分鐘先至可以燒熟一間牛肉，燒嘅時間要比較長⋯⋯勝就勝在用光波爐燒完，真係身體同頭髮上嘅味道 不大， 如果嗰日有飲宴出席，着晒靚衫，噴晒香水，又好想食韓燒，就可以試吓用光波爐啦！總結：性價比加埋一要$330每位，如果係韓燒會覺得抵啲，因為明火燒可以鎖住啲肉汁，用光波爐啲肉好乾，全部變咗牛肉乾，感覺普通，未必有下次。