極上帝王水產

營業中

休息中

行過兆萬想食放題，見到有新開又好似幾吸引，就同朋友上去試下。  點餐紙種類超多，一共有十八種類，日式丶泰式同西式食物都有！上菜速度算快，等五分鐘左右就有得食，飲品可以自己去雪櫃任取。  食放題第一時間一定係點刺身，可惜朋友不吃魚生，所以只係點了少量。三文魚厚切肥美！甜蝦同帶子都十分鮮甜冇雪味！松葉蟹棒厚肉鮮美。  點既壽司都係三文魚為主，花之戀size啱啱好一啖一個，炙燒三文魚壽司另一番風味！  最欣賞佢地既炙燒雞中翼！即叫即燒，上菜時仲係熱辣辣而且非常juicy，忍唔住要encore再多點！  炸物點了雞軟骨、香芋丸丶炸牛奶同榴槤炸彈，全部都香脆可口，最特別係炸牛奶，內餡係鮮奶同紅豆，外脆內軟！  點了放題比較冷門既食物，卡邦尼煙肉意粉同黑松露雜菇炒飯，分量比較大碟，估唔到水準比出面西餐廳仲好食！  最後雪糕有Häagen-Dazs或者Movenpick可以選擇。