紫蝶花 (已結業)

話說我老友就係住喺將軍澳 佢成日都話將軍澳好多好嘢食 今次就驚佢嘅推介之下嚟咗呢一間 賣新加坡菜嘅餐廳 估唔到有意想不到嘅驚喜✨蒜蓉牛油雞翼六件 ($60)一份有六件 牛油同埋蒜蓉嘅味道深深咁釀咗入雞翼入面非常惹味 特別一讚嘅一點係雞肉之間唔會太實 一入口啲肉就散開 質感簡直係冇得彈✨新加坡肉骨茶 ($68)好耐冇飲過新加坡嘅肉骨茶 估唔到呢度有得賣 入面嘅材料大概就係肉啦 骨啦 豆卜冬菇以及 唔同嘅香料 肉骨茶上菜嘅時候 香味就立刻四散 飲完仲非常解渴添✨海南雞半隻($118)食呢類型嘅餐廳點少得嗌海南雞呀 鍾意食雞嘅我就當然嗌咗半隻海南雞 再加20蚊配咗一碗油飯 正呀可以睇到海南雞嘅份量真係非常足夠 又真係幾足料 雞肉嘅質感又嫩滑✨藍蝶花蜂蜜檸檬梳打 ($38)藍蝶花主題嘅飲品 應該就係紫蝶花餐廳招牌 我當然要試一試啦 藍蝶花配蜂蜜再配檸檬應該唔係好多地方可以飲到飲落嘅味道好清新酸酸甜點非常解渴✨藍蝶花椰汁特飲 ($38)藍蝶花除咗配 果味嘅梳打外配上椰汁都非常夾㗎藍蝶花有獨特嘅香味同埋椰汁撈起上嚟 真係幾好飲