大公館

營業中

休息中

第二次黎依然充滿驚喜對上一次黎係大半年前果陣bk左枱去到仲要等ok耐今次bk左枱可能因為係星期四既關係去到即刻有位，人流唔太多。話梅鐵棍淮山 :餐廳選用咗鐵棍淮山 淮山比較實肉 切為丁方一啖一粒 配上一個酸甜度十分合適嘅話梅汁 酸酸甜甜 作為頭盤幾岩食龍井煙燻黃花魚 : 煙燻嘅黃花魚 肉質好紮實 柴魚嘅質感 又帶有煙燻三文魚嘅煙燻香味 回甘味十分濃烈 成件事幾夾 而且切成細細舊 冇骨啖啖肉 一人兩舊好快食完清香柚子凍鮑魚 : 鮑魚一隻匙羹一隻 侍應送上嚟嘅時候仲用個黑色盤放曬乾冰 一路送過嚟一路飄住煙 仙境級嘅菜式 嗰種尊貴感 真係淨影相打卡都值回票價 鮑魚本身 軟硬適中 以柚子肉墊底 整體上清清淡淡反而更突顯咗鮑魚嘅鮮味 最衰一人得一隻 絕對可以encore!招牌黑毛豬叉燒 : 叉燒個燒醬係咩味就係人都知 但再配埋上乘嘅黑毛豬豬肉 就比一般街市嘅叉燒 唔同層次 唔止淨係個燒醬味 仲有豬油香味 而且叉燒燒的色澤均勻 肥瘦分佈平均 真係對於招牌呢兩個字當之無愧