影片
更多
2016-04-05
328 瀏覽
今日朋友帶Vi黎左呢間餐廳晚飯, 黎之前朋友故作神秘咁話Vi一定會中意, 果然, 一黎到Vi已經比呢度既裝修吸引住~餐廳以公主做主題, 餐廳內無論係桌椅, 枱布, 水晶燈, 牆上既壁畫同牆紙都充滿住古典既味道, 枱上面既花同燭台, 加埋哩士既枱布, 就連餐巾都係玫瑰既形狀, 相信女仔都會中意~一坐低店員就拎左餐廳自家出品既cookies比我地試下, cookies既味道好特別, 有松露味, 魚子醬味, 冬陰公味, 蟹肉味等, o係第度真係未見過呢d味道, 而且食落cookies好香脆, 各種味道配答得不錯, 特別係松露同冬陰公味係Vi同朋友最喜歡既~睇番呢度既野食, 我地選擇左dinner set~先黎係餐包, 餐包上枱時仲係熱辣辣, 而最特別係配既牛油, 係餐廳自家制既牛油, 混入左蘋果醋, 蒜蓉等, 店主叫呢個做gentleman butter, 食落帶小小酸, 無牛油咁膩, 好特別, 連餐包既牛油都咁用心去研究, 值得欣賞~starter要左煎棷菜花配醋浸提子, 呢個warm salad幾特別, 食落酸酸味味, 棷菜花幾爽口, 好開胃~跟住既前菜每款點左一個黎share, 分別係
餐廳以公主做主題, 餐廳內無論係桌椅, 枱布, 水晶燈, 牆上既壁畫同牆紙都充滿住古典既味道, 枱上面既花同燭台, 加埋哩士既枱布, 就連餐巾都係玫瑰既形狀, 相信女仔都會中意~
一坐低店員就拎左餐廳自家出品既cookies比我地試下, cookies既味道好特別, 有松露味, 魚子醬味, 冬陰公味, 蟹肉味等, o係第度真係未見過呢d味道, 而且食落cookies好香脆, 各種味道配答得不錯, 特別係松露同冬陰公味係Vi同朋友最喜歡既~
睇番呢度既野食, 我地選擇左dinner set~
先黎係餐包, 餐包上枱時仲係熱辣辣, 而最特別係配既牛油, 係餐廳自家制既牛油, 混入左蘋果醋, 蒜蓉等, 店主叫呢個做gentleman butter, 食落帶小小酸, 無牛油咁膩, 好特別, 連餐包既牛油都咁用心去研究, 值得欣賞~
starter要左煎棷菜花配醋浸提子, 呢個warm salad幾特別, 食落酸酸味味, 棷菜花幾爽口, 好開胃~
跟住既前菜每款點左一個黎share, 分別係吞拿魚配青芥末牛油果醬同埋八爪魚配牛油檸檬汁~
呢個吞拿魚配青芥末牛油果醬賣相好令, 輕煎過既吞拿魚沾上黑白芝麻, 入口幾嫩, 但青芥末牛油果醬味道較淡, 如果多d青芥末味會更好~
而Vi就好喜歡呢個八爪魚配牛油檸檬汁, 八爪魚彈牙有咬口, 唔會覺得太un, 配左個牛油檸檬汁酸酸地又係幾開胃, 呢個食到停唔到口~
餐湯係甘荀南瓜湯, 個湯好rich好香甜既南瓜味, 最特別係上面加左黑水欖, 食落有小小咸, 夾埋d南瓜湯好好飲~飲完個湯已經飽左7成XD
主菜要左慢煮羊後脾同香煎鱸魚, 慢煮羊後脾呢個菜色比較小見, 羊後脾煮得好嫩, 入口肉味好香, 唔點汁已經好好味, 而且唔係全熟, 見到肉質好粉嫩, 係煮得好出色既羊後脾, 美中不足係呢個部位肥肉較多~
另一個主菜係香煎鱸魚, 鱸魚外皮微脆, 肉質就幾juicy同幾滑, 只係加左海鹽調味, 所以能夠食到出魚本身既鮮味, 配菜特別地用左朝鮮薊, 平時好少機會食到, 從呢2樣主菜睇得出店主每道菜都落左心思, 令菜色與眾不同~
最令Vi期待既部分當然係甜品la, 甜品既名稱都好特別, 第一款係草莓仙子, 又係非常吸引女生既造型, 一隻粉紅色既高跟鞋由士多啤梨, 乳酪同cream cheese做成, 入口似雪糕, 士多啤梨同乳酪味好濃, 配埋旁邊既熱情果sorbet, 酸酸甜甜, 好好味, 係睇得又食得既甜品, 不過Vi覺得高跟鞋太細隻, 有d唔夠喉XD
另一款甜品係薔薇甜心, 賣相再一似俘虜左Vi既心, 係藍莓青檸+荔枝sorbet, 呢款甜品比較酸, 藍莓青檸sorbet食落有d似山楂餅, 幾得意~食完呢2個甜品, Vi比menu上面一個好令既bear bear熊甜品吸引住, 所以話呢, 女仔食甜品係有第2個胃既XD呢個Teddy's Aurora仲令過之前既2款甜品 bear bear熊既dessert實在太吸引, bear bear熊係加左羅勒葉既72%朱古力, 食落唔會太甜, 羅勒葉既味道令朱古力無咁單調, 而樹枝係用左72%朱古力包坐薑汁蛋白, 薑汁味唔係太濃, 蛋白味比較重, 成個配答好創新, 真係好欣賞店主既心思!!!
飲品點左mixed fruit tea, 用茶壺上, fruit tea味道較酸, 可以中和番甜品既甜味, 而茶壺下面既燭台又係好精緻~
總括黎講, 呢間餐廳每一個細節都一絲不苟, 全晚見到店主每一枱都走埋去介紹每一道菜, 再問番客人既意見, 實在係出心出力, 令食客都感受到店主對餐廳, 對食物既熱誠, 呢度既食物未係最好, 但餐廳既環境, 有特色既野食, 店員既服務, 確實另Vi同朋友留下深刻既印象, 亦渡過左一個愉快的晚上~張貼
