茶墨嘅飲品都有好多選擇，平時飲珍珠奶茶多，今次就揀麻糬飲品，甜品有蛋糕，又有Gelato，真係有啲花多眼亂。最後朋友係抹茶控，揀咗凍麻糬抹茶鮮奶，福岡芝士蛋糕（宇治抹茶），我就揀咗熱麻糬芋泥茉莉鮮奶綠。
等咗幾分鐘，飲品就好快整好了👍🏻店員叫我哋攪勻先飲。麻糬芋泥茉莉鮮奶綠，不單止有芋香味，入面仲有啖啖芋泥蓉，加埋有咬口嘅麻糬，真係好好味😋。我朋友嘅少甜麻糬抹茶鮮奶，有濃厚嘅抹茶味，抹茶鮮奶配麻糬比配珍珠好，好有日本feel，滿滿幸福感！而福岡蛋糕軟硬適中，芝士味和抹茶味兼備。今次冇試Gelato，味道好特別，有玫瑰、金莎……下次真係要試吓🥰
