影片
更多
2017-12-07
117 瀏覽
踏入十二月，周圍都充滿聖誕氣氛，位於西環既Gioia Charcoal Grill & Oyster Bar亦都唔例外。餐廳離地鐵站只需五分鐘路程，相當方便。餐廳氣氛舒服，光度適中，佈置都相當有聖誕氣氛，如果平安夜同情人黎食飯，一定好浪漫啫。坐低後都未點菜，店員已經為我地送上麵包條啦。Daily special oyster:最近唔知點解咁鍾意食生蠔，係呢度見到只雖$10/隻既生蠔，價錢非常吸引，所以都叫左半打share食。是日生蠔係法式生蠔，蠔肉飽滿，清甜爽口，雖然入口海水味重，但係配埋檸檬汁同埋茄汁，鹹味會減輕，味道適中，以$10/隻黎講，算係非常抵食。瑞典海鮮多士:蝦同各樣海鮮加入沙律醬後放上烘過既法包上，入口鹹鹹地，幾有口感，廚師用左沙律黎伴碟，令到整體顏色唔會太寡。可惜每人只分得一少塊多士，如果唔係因為要留肚食其他野，一人食一份都仲可以呀。西子蟹肉南瓜忌廉湯:南瓜湯味道濃郁，入口好creamy，用料恰當，加埋蟹肉，口感豐富，海鮮味相當鮮甜，配埋麵包條食，真係完美既組合。輕烤日本刺身帶子黑松露意大利粉:意粉食落煙韌有口感，醬汁好足夠，每條意粉沾都到，黑松露又香又濃，加埋爽口彈牙
餐廳離地鐵站只需五分鐘路程，相當方便。
餐廳氣氛舒服，光度適中，佈置都相當有聖誕氣氛，如果平安夜同情人黎食飯，一定好浪漫啫。
坐低後都未點菜，店員已經為我地送上麵包條啦。
Daily special oyster:
最近唔知點解咁鍾意食生蠔，係呢度見到只雖$10/隻既生蠔，價錢非常吸引，所以都叫左半打share食。
是日生蠔係法式生蠔，蠔肉飽滿，清甜爽口，雖然入口海水味重，但係配埋檸檬汁同埋茄汁，鹹味會減輕，味道適中，以$10/隻黎講，算係非常抵食。
瑞典海鮮多士:
蝦同各樣海鮮加入沙律醬後放上烘過既法包上，入口鹹鹹地，幾有口感，廚師用左沙律黎伴碟，令到整體顏色唔會太寡。可惜每人只分得一少塊多士，如果唔係因為要留肚食其他野，一人食一份都仲可以呀。
西子蟹肉南瓜忌廉湯:
南瓜湯味道濃郁，入口好creamy，用料恰當，加埋蟹肉，口感豐富，海鮮味相當鮮甜，配埋麵包條食，真係完美既組合。
輕烤日本刺身帶子黑松露意大利粉:
意粉食落煙韌有口感，醬汁好足夠，每條意粉沾都到，黑松露又香又濃，加埋爽口彈牙既刺身帶子，真係好有口感。
蘋果金寶:
即叫即焗既蘋果金寶，雖然製作需時，蘋果酸酸甜甜，crumble 又夠脆，配埋雲呢拿雪榚食，好好味，以$78黎講分量都算幾多，可以兩個人share食。
呢度食物好味，環境同服務都唔錯，最令人開心既係佢既聖誕佈置，真係適合開party或者同情人慶祝聖誕既地方。
張貼
