影片
更多
2018-09-11
126 瀏覽
之前在社交網站上看過有朋友曾上載一張類似Condom但實際上係濕紙巾的相片, 覺得好有趣。及後發現原來呢個「安全套」濕紙巾是來自一間餐館。經搜索之下, 就搵到出自「名館」。是晚放工, 約了一位台灣朋友食飯, 就選擇來了位於中環擺花街的名館。由於是平日夜晚, 所以都唔洗等位, 直接walk-in有位坐, 但出乎我意料, 就係平日夜晚呢度都有超過6成的入座率, 看來「名館」亦非「等閒之輩」。一坐低, 最容易就留意到係碗旁的「Condom」濕紙巾啦~至於呢度的碗底, 亦有具不同意思的句子。充滿風雅詩意的感覺~由於跟台灣的朋友來食飯, 所以都選左一D比較有香港感覺的菜式。當然, 呢度的Menu有很多款菜以供選擇, 大部分都是比較新派的粵菜, 而並唔係平時港式小菜。首先, 先來一道港式代表-厚切叉燒。呢度的叉燒雖然係厚切, 但完全唔會又柴又韌。相反, 食落去好鬆軟, 蜜汁亦掛在肉上, 非常出色。台灣朋友都話要真係只會在香港才吃到好味的叉燒。然後朋友點了一道香煎蘿蔔糕, 配上港式辣椒醬。首先, 我必須提醒大家, 呢度的辣椒醬係好香, 但同時都好辣。唔食得辣既點少少就算, 否則你會後悔。無論如何,
是晚放工, 約了一位台灣朋友食飯, 就選擇來了位於中環擺花街的名館。
由於是平日夜晚, 所以都唔洗等位, 直接walk-in有位坐, 但出乎我意料, 就係平日夜晚呢度都有超過6成的入座率, 看來「名館」亦非「等閒之輩」。
一坐低, 最容易就留意到係碗旁的「Condom」濕紙巾啦~
至於呢度的碗底, 亦有具不同意思的句子。充滿風雅詩意的感覺~
由於跟台灣的朋友來食飯, 所以都選左一D比較有香港感覺的菜式。當然, 呢度的Menu有很多款菜以供選擇, 大部分都是比較新派的粵菜, 而並唔係平時港式小菜。
首先, 先來一道港式代表-厚切叉燒。呢度的叉燒雖然係厚切, 但完全唔會又柴又韌。相反, 食落去好鬆軟, 蜜汁亦掛在肉上, 非常出色。台灣朋友都話要真係只會在香港才吃到好味的叉燒。
然後朋友點了一道香煎蘿蔔糕, 配上港式辣椒醬。首先, 我必須提醒大家, 呢度的辣椒醬係好香, 但同時都好辣。唔食得辣既點少少就算, 否則你會後悔。無論如何, 蘿蔔糕係有真蘿蔔係入面, 沒有欺場, 夠哂蘿蔔的甜味。但小弟略嫌佢煎得唔夠「透」, 如果再煎香少少, 肯定會加分。
跟住來一道比較清淡的, 就係菌皇醬蒸腐竹。小弟必須稱讚, 呢度的腐竹應該係用新鮮的, 並唔係雪藏貨。因為一食落去已經好有黃豆腐竹味, 唔會硬, 非常「淋軟」。加上名館自製的菌皇醬, 菇菌的香氣加上腐竹的黃豆味, 兩者沒有違和感, 相反係並存並助, 兩者的味道互映生輝。
然後, 我選擇左一道幾特別的菜式, 係「秋葵炒海螺片」。首先係本人喜歡食螺片, 而呢度的螺片幾爽口, 唔會韌唔會咬唔開。加入海葵和醬汁去炒, 既是有港式的小炒感覺, 同時亦有清爽的味道。而小弟亦是第一次食到秋葵係用小炒的方式來煮。呢一點, 廚師真係有創意, 果然有新派粵菜的風格。
主食方面, 我地揀左金黃球泡飯, 原因係個名有趣。而黎到先知道, 唔係普通的泡飯。大家睇到圖片, 佢係有一個外面係飯焦的圓球體, 浸在湯內, 並且透過上湯去將個飯球浸開。同埋因為浸開個飯球都需要時間, 所以呢度亦好貼心咁係呢窩泡飯下面加一個小火爐可以烘熱佢。
兩個人食咁多野真係好飽架, 但呢度D野真係好特別同埋幾好食。最後亦因為睇到Menu上面有一道甜品的名字好得意, 所以就點左黎試試。呢一道甜品的名叫「麻雀詐糊」。我初初以為係芝麻糊個類野, 但實際上原來真係「麻雀」咁既樣!! 呢度廚師好有心機咁將椰汁桂花糕做成麻雀的樣子, 望落去好真實咁, 幾可以假亂真。但唔好以為佢好睇唔好食, 事實上佢既椰汁味好夠, 配上清淡的桂花, 兩者互相平衡, 唔會過甜。順帶一提, 原來連兩張「銀紙」都係可以食, 不過坦白講, 就好普通啦。所以重點都係放返上D「麻雀」度啦~
食完之後, 我和朋友都一致好評。名館能夠係中環平日夜晚都有6成入座率, 果然唔簡單。呢度的菜式既新潮又好玩, 亦係年青人打卡的好地方~
張貼
