Nissa la Bella (差館上街)

營業中

休息中

今日朋友帶我去上環探店，她說這間Nissa la Bella是一家法國餐廳。餐廳內部裝飾採用簡約風格，營造出一種溫馨而舒適的環境。➰ 尼斯洋蔥鯷魚橄欖薄餅 薄餅烤到好香脆，薄餅上鋪滿咗炒製過嘅洋蔥絲，散髮出濃郁嘅洋蔥香味，而鯷魚嘅鮮美增加咗薄餅嘅層次感，再加埋橄欖更增添咗獨特嘅口感，食落每啖都好香甜又帶有少少咸，層次感好豐富。➰ 法式蒜蓉牛油焗蝸牛呢個菜一上枱，感覺係熱騰騰，香濃嘅牛油和濃郁嘅蒜蓉鋪滿滿整碟蝸牛，蝸牛索晒啲蒜茸牛油味，既香濃又有咬口。➰ 車厘茄沙律呢個車厘茄沙律，意外地發現有埋車厘子，再配埋青檸、芫荽味和橄欖做調味，口感酸酸甜甜，令到胃口大開。➰ 烤煙燻迷迭香鯛魚今晚嘅主菜終於出場，重要係華麗登場，首先捧出一個大木盒，隨著木蓋慢慢推開，濃濃嘅煙熏和迷迭香嘅香氣湧出來，待煙燻慢慢散去，餐廳職員把鯛魚放上枱，更細心為我們挑去所有魚骨和魚皮，魚肉夠晒鮮嫩，再配上creamy嘅奶油醬汁，令到口感更豐富。而配菜方面更有烤焗嘅茄子、蕃茄、黃瓜和香甜嘅洋蔥。➰ 法式泡芙泡芙配上雪糕、杏仁碎片、鮮忌廉，再加上香濃嘅朱古力醬，絕對係一個不可多得的飯後甜品。