影片
更多
2012-09-04
223 瀏覽
Honey朋友今晚約我地去食日本菜... 坐低時象徵式咁睇下餐牌, 之後佢相熟嘅2位廚師就由廚房走出o黎同佢打招呼, 跟手佢就比咗個BUDGET比師傅, 叫師傅幫佢安排一下, 所以我地一路食一路都唔知跟住仲會有咩o野食... 咁大個女都係第一次咁食法... 刺身拼盤--白魚我同HONEY一向唔多食, 生蝦我地又唔食, 所以同枱嘅朋友勁開心, 因為佢地可以食埋我地果份.... 我最鐘意係帶子, 好新鮮, 好有咬勁, おいしい (oishii)...天婦羅汁, 檸檬, 綠茶鹽, 幼海鹽--點小小綠茶鹽都夠味... 稻菊嘅天婦羅 (Tempura) 係必吃招牌菜, 選用優質芝麻油和棉花籽油, 用料新鮮, 即點即炸, 炸起嘅天婦羅又薄又脆 。師傅手藝更是一絕, 吸油紙上面, 一滴油都冇!!! 天婦羅目光魚(左) -- 鱭魚科, 又名"鳳尾魚", 俗稱"烤籽魚", 炸得外脆內Juicy, 完全冇骨, 好好味, 我二話不說吞晒落肚...天婦羅竹蝦(右) -- 師傅將蝦頭炸到好似朵花咁, 好靚呀~ 蝦身又係粉薄又脆, 蝦肉一D都唔乾身, 一隻真係唔多夠喉... 天婦羅鰻魚 -- Ichiban!!!
刺身拼盤--白魚我同HONEY一向唔多食, 生蝦我地又唔食, 所以同枱嘅朋友勁開心, 因為佢地可以食埋我地果份.... 我最鐘意係帶子, 好新鮮, 好有咬勁, おいしい (oishii)...
天婦羅汁, 檸檬, 綠茶鹽, 幼海鹽
--點小小綠茶鹽都夠味...
稻菊嘅天婦羅 (Tempura) 係必吃招牌菜, 選用優質芝麻油和棉花籽油, 用料新鮮, 即點即炸, 炸起嘅天婦羅又薄又脆 。師傅手藝更是一絕, 吸油紙上面, 一滴油都冇!!!
天婦羅目光魚(左) -- 鱭魚科, 又名"鳳尾魚", 俗稱"烤籽魚", 炸得外脆內Juicy, 完全冇骨, 好好味, 我二話不說吞晒落肚...
天婦羅竹蝦(右)
-- 師傅將蝦頭炸到好似朵花咁, 好靚呀~ 蝦身又係粉薄又脆, 蝦肉一D都唔乾身, 一隻真係唔多夠喉...
天婦羅鰻魚 -- Ichiban!!! Oishii... 好好味嘅鰻魚, 皮脆肉嫩, 咬落啖啖肉, 仲滲出淡淡嘅鰻魚香, 好好食呀~ 我想1個人食晒成碟呀...
天婦羅鮑魚 (前) -- 啖啖肉嘅鮑魚, 好滿足呀~
天婦羅海膽 ( 後) (うに ; Sea urchin)
-- 海胆用紫菜包著黎炸, 個樣好得, 可惜... 我同HONEY都唔食海膽, 從朋友滿足嘅表情o黎睇, 真係好好味咁...
天婦羅龍蝦 -- 咁大隻龍蝦先得4舊肉, 好似小左D... 從味道同口感嘅角度o黎講, 龍蝦都係食鐵板燒好食D, 做天婦羅有小小浪費咗...
炸魚--魚骨炸到脆晒, 佢地用手搣黎食, 話當食薯片喎...
食完天婦羅 (Tempura), 就輪到鐵板燒 (Teppanyaki) 出場啦!!!
鐵板燒大蝦 -- 味道都唔錯, 都好多蝦肉...
鐵板燒鵝肝多士 -- 好好味呀D鵝肝, 我食咗2大件呀, 呵呵, 好開心呀~ 個奇異果都幾酸, 但係就中和咗鵝肝嘅油膩感, 好MATCH呀~
和牛肉眼鐵板厚燒
--蒜片燒得極之香脆, 牛柳粒都好好味呀, 冇出血得o黎又唔韌, 食到唔停得口...
鐵板炒飯
--廚師專登其中1碗飯走牛, 好有心思... 炒得好乾身, YUMMY!!!
鐵板炒雜菜
--一般啦...
鐵板燒 (Teppanyaki) 整體食物唔夠熱辣辣, 食鐵板燒始終都係坐係鐵板燒枱食先最好味, 一來廚師一煮起食物就可以即刻送到你面前, 二來又可以欣賞廚師的手藝, 三來聞到食物烹調食物時嘅香味, 三種感觀享受... 天婦羅 (Tempura) 亦然...
張貼
