更多
2018-08-05
14626 瀏覽
放假日就自然去尋覓一啲特色餐廳,想坐得舒舒服服又想食中餐,黎中環揾到呢間1935。一入到去完全唔似中餐廳,反而似西餐既fine dining. 落地玻璃,舒適座位,雲石打造既枱...實在盡顯心思~下午黎到呢度,當然要試下呢度既lunch set. 有啲款式係a la carte menu揾唔到架,所以點都要試一試🤤 先揀咗頭盤先,叫咗一口燻魚同口水雞。上海做法既燻魚燻得外脆內軟,魚肉好嫩滑,沾上啲甜甜既醬汁,愈食愈上癮。口水雞,令人驚喜既口水雞。呢度既口水雞係用雞脾肉黎做,冇骨之餘雞肉食落都好嫩滑,辣味啱啱好,好香而且辣唔會持續好耐唔散,細問之下係因為呢度既食物全部唔會加味精,所以顏色,味道會同外面既辣食物感覺唔同。主菜配咗元貝蒸水蛋同宮保蝦仁,配一個擔擔麵同一個白飯。滿心期待個水蛋,因為我本身係超級鐘意飯水蛋,果然冇令人失望。水蛋蒸得好滑,軟硬適中。加埋甜甜地既豉油已經可以食哂成碗飯,仲有新鮮元貝切片,更增鮮味。宮保蝦仁,蝦都幾大隻,好爽口彈牙🤤 用咗3種辣椒🌶️ 食落係幾辣幾惹味,亦都唔會蓋過咗個鮮味。腰果應該都係新鮮炸,脆得黎又冇油膉味👍🏻 同擔擔麵感覺幾配襯。呢度係食中餐,但紅酒
下午黎到呢度,當然要試下呢度既lunch set. 有啲款式係a la carte menu揾唔到架,所以點都要試一試🤤 先揀咗頭盤先,叫咗一口燻魚同口水雞。上海做法既燻魚燻得外脆內軟,魚肉好嫩滑,沾上啲甜甜既醬汁,愈食愈上癮。
口水雞,令人驚喜既口水雞。呢度既口水雞係用雞脾肉黎做,冇骨之餘雞肉食落都好嫩滑,辣味啱啱好,好香而且辣唔會持續好耐唔散,細問之下係因為呢度既食物全部唔會加味精,所以顏色,味道會同外面既辣食物感覺唔同。
主菜配咗元貝蒸水蛋同宮保蝦仁,配一個擔擔麵同一個白飯。滿心期待個水蛋,因為我本身係超級鐘意飯水蛋,果然冇令人失望。水蛋蒸得好滑,軟硬適中。加埋甜甜地既豉油已經可以食哂成碗飯,仲有新鮮元貝切片,更增鮮味。
宮保蝦仁,蝦都幾大隻,好爽口彈牙🤤 用咗3種辣椒🌶️ 食落係幾辣幾惹味,亦都唔會蓋過咗個鮮味。腰果應該都係新鮮炸,脆得黎又冇油膉味👍🏻 同擔擔麵感覺幾配襯。
呢度係食中餐,但紅酒,cocktail, mocktail 亦有提供。有呢個特色開心果抹茶同埋芒果味mocktail. 開心果味特飲都係第一次試,係幾清涼解渴。而呢杯芒果特飲我覺得就反而飲落似楊枝甘露,係我喜歡的味道🤣
除咗食物,呢度既環境設計都係好有故事,以店舖名稱1935,其實係係四川居住婆婆既岀生年份。牆上仲有外婆既肖像,牆上仲有同婆婆以前搭火車既畫面。
張貼