影片
更多
2018-01-30
75 瀏覽
旺角煙廠街開左一間任食邊爐店。雖然一直都好想抽時間去試，但無奈一直同朋友都夾唔岩時間。難得今晚大家都得閒，咁就緊係約埋一班好朋友去瘋狂食肥牛啦。 餐廳裝修極具香港七丶八十年代嘅特色，樓梯四周都貼滿咗彷真嘅電影海報令我好似置身係時光隧道入面，轉眼間就穿越時空，倒退返去八十年代嘅香港小店。餐廳亦鋪滿左火水爐牆，相信老一輩嘅人見到一定會諗返起細個用火水爐打邊爐嘅回憶。 火鍋配料嘅選擇唔算特別多，但勝在有一定嘅特色。例如陳皮魚蛋丶玉米貢丸丶爆漿魚丸同埋蜂巢豆腐都係比較難係任食邊爐搵到。尤其推薦陳皮魚蛋，魚蛋唔會因為太細粒而乾身，相反餐廳嘅陳皮魚蛋能夠保持彈牙嘅質感同埋鎖緊水份。唔會俾餐廳招牌沙嗲湯底嘅精華流失，值得一讚！ 如果提前預訂仲會送鮑魚雞煲，雞煲可以揀BB辣到大辣，岩晒好似我咁唔太食得辣嘅人。雞煲啲雞全部都好惹味，而店員仲會好細心幫你計時同埋話比你知熟未，咁就唔怕啲雞會太生或者太熟。 海鮮拼盤有廣島蠔丶花甲丶沙白丶蝦等，種類都算多。不過要留意嘅係海鮮拼盤唔包係任食個部分，如果想再追加就要以市價黎計算。醬料可以自行調教，滿足晒唔同人嘅口味。安格斯牛同黑毛豬兩樣都可以無限添加，而且餐廳係唔
旺角煙廠街開左一間任食邊爐店。雖然一直都好想抽時間去試，但無奈一直同朋友都夾唔岩時間。難得今晚大家都得閒，咁就緊係約埋一班好朋友去瘋狂食肥牛啦。
餐廳裝修極具香港七丶八十年代嘅特色，樓梯四周都貼滿咗彷真嘅電影海報令我好似置身係時光隧道入面，轉眼間就穿越時空，倒退返去八十年代嘅香港小店。餐廳亦鋪滿左火水爐牆，相信老一輩嘅人見到一定會諗返起細個用火水爐打邊爐嘅回憶。
火鍋配料嘅選擇唔算特別多，但勝在有一定嘅特色。例如陳皮魚蛋丶玉米貢丸丶爆漿魚丸同埋蜂巢豆腐都係比較難係任食邊爐搵到。尤其推薦陳皮魚蛋，魚蛋唔會因為太細粒而乾身，相反餐廳嘅陳皮魚蛋能夠保持彈牙嘅質感同埋鎖緊水份。唔會俾餐廳招牌沙嗲湯底嘅精華流失，值得一讚！
如果提前預訂仲會送鮑魚雞煲，雞煲可以揀BB辣到大辣，岩晒好似我咁唔太食得辣嘅人。雞煲啲雞全部都好惹味，而店員仲會好細心幫你計時同埋話比你知熟未，咁就唔怕啲雞會太生或者太熟。
海鮮拼盤有廣島蠔丶花甲丶沙白丶蝦等，種類都算多。不過要留意嘅係海鮮拼盤唔包係任食個部分，如果想再追加就要以市價黎計算。
醬料可以自行調教，滿足晒唔同人嘅口味。
安格斯牛同黑毛豬兩樣都可以無限添加，而且餐廳係唔會好似其他任食邊爐店咁愈黎愈少同埋上菜愈黎愈慢，所以絕對抵食！
最後仲有甜品雜果涼粉紅豆冰
張貼
