就是偏偏喜歡你 (已搬遷) 新店位置

一出lift已經有個花牆寫住”就是偏偏喜歡你”，入到餐廳都出滿少女氛圍，滿滿既花海，餐廳仲有隻大肥兔係到，都幾可愛🐰香辣南美海蝦意粉 ($168)份量都斷大份，大蝦新鮮彈牙有成5隻，仲去埋穀，岩晒我呢啲懶人🙈 意粉醬真係有南美風味，酸酸辣辣又有啲芝士味🧀️，好惹味，意粉多得黎，個醬汁都夠多，連埋少少蕃茄粒同菇，成個意粉非常豐富。煙三文魚炒蛋黑炭漢堡 ($158)漢堡上枱一樣份量滿滿，啲嫩滑既炒蛋滿溢出黎，仲有唔少煙三文魚。黑炭漢堡本身烘過，外層脆脆地，內裏都幾鬆軟。仲有大量沙律菜🥗同dorites伴碟😋明太子雞翼($58)雞翼脹卜卜，外皮炸到脆卜卜，明太子餡料飽滿，都幾好食。