是日家常湯
冬瓜海螺薏米湯，材料足，湯底清澈本身冇落鹽，味道清淡，可自行加少許鹽提鮮，在冬天喝完十分暖胃。
香煎墨魚餅
煎得金黃，外脆內嫩，墨魚味濃，咬落有彈性食到粒粒墨魚肉，香口小食配搭泰式甜辣醬更加開胃。
豉油王雞
翼味道甜，醬香濃郁，肉質嫩滑豉油香滲入雞翼裡，唔油膩送飯一流。
豉汁蒸䱽魚
新鮮䱽魚，蒸得剛剛好魚肉嫩滑，保留魚嘅鮮味，面頭鋪滿豆豉，蒜蓉和蔥絲混合的醬。
手打檸檬茶
新鮮檸檬自家打出嚟，茶底夠濃唔澀，檸檬味突出，甜度適中，飲落清爽解膩。
街坊小館主打住家風味，每道都食得出誠意無花巧，勝在用心。店舖細細簡單、溫馨、價錢合理，適合一家人或街坊簡單晚餐。有人情味的街坊生意。
