四妹廚房

營業中

休息中

荃灣友人帶路，來到這家他經常來吃的隱世小店，裝修像客棧一樣，使用木枱木凳，店舖小巧但溫馨，老闆娘招呼親切花膠碗仔翅 $58非常足料，冬菇香濃，花膠嫩滑，並非只勾芡的街邊碗仔翅，平時我愛加醋，今次不加更喝到雞湯鮮甜味紅燒乳鴿 $58外皮炸得香脆，醃料美味不會死鹹，肉質嫩滑，配自家製淮鹽，特別惹味麻辣魚皮 $58來點涼拌小食，魚皮爽脆，麻辣汁惹味，份量不少，建議與友人分享豉汁蒸馬友 $88蒜蓉豉汁調味恰到好處，吊起魚的鮮味之餘不會太搶，新鮮馬友肉質鮮甜，剛熟魚肉嫩滑，必點香煎墨魚餅 $32新鮮自家製，裏面粒粒墨魚肉，墨魚香甜，同樣是必點菜式鹹菜豬肚 $88除了鹹菜亦有新鮮芥菜，豬肚份量不少香蕉煎餅 $38由老闆自己研發，以米紙加上蛋漿和香蕉肉，煎香後再加朱古力醬，米紙輕薄香脆，香蕉味濃郁，蛋漿中和甜味，非常美味的甜品凍檸茶 $24大熱手打檸檬茶，看着老闆從雪櫃中取出香水檸檬，喝得出新鮮足料不愧是隱世高手小店，每樣都好吃，必定會再來

同事介紹荃灣一間家常菜餐廳叫四妹廚房，佢話呢間店啱佢口味，見我咁鍾意食小菜應該黎試下喎。地點在荃昌中心，平時同常由天橋過商場行一樓，地下呢層真係好少落黎，原來地下都有幾間食店喎，轉一圈便見到四妹廚房，都唔算難搵。餐牌選擇幾多，仲有牆上寫嘅special，或者有咩想食同老闆講，佢有材料都可整😎⭐巴戟杜仲圓肉豬踭湯先來個是日靚湯，一聽個湯名就知正野啦，補腎調理嘅葯材湯，入口先甘後甜非常濃郁，真材實料飲完唔口渴，仲全晚暖笠笠添，同茶記啲例水截然不同。⭐蝦米肉碎菜脯炒蛋來個菜脯炒蛋，甜甜鹹鹹又香口，好下飯😋⭐芥蘭炒牛肉芥蘭爽脆牛肉有咬口，加埋薑蒜調味料，真係有阿媽炒嘅味道。⭐紅燒乳鴿見咁多人推介乳鴿又試下先，炸得香口喎，點埋個淮鹽正呀！⭐麵醬蒸馬友最後仲蒸左條魚，店內有唔少魚類選擇，詳情看牆上掛牌😆馬友鮮香軟嫩，蒸嘅時間啱啱好，甜豉油同麵醬撈飯一流。⭐白飯咁好餸飯都食多左。真係好啱口味，有家的味道，無介紹錯喎👍

岩哂有時唔得閒煮飯但又唔想食重味精既家庭´͈ ᵕ `͈老火無味精餐湯🫕今日既餐湯係粟米蘿蔔湯 無任何味精無加鹽真係飲得出屋企既味道🥰蒜香椒鹽雞翼尖🐥外皮酥脆，香濃既蒜香同適度既辣味，令人一口接一口🤤薯仔炆雞翼🥔家常菜既經典之選薯仔吸收左雞肉的鮮味，雞翼仲剪開左一半方便食同更入味🤤豉汁蒸黃立倉🐟豉汁蒸得入味又香濃，魚肉滑嫩小骨，比小朋友食都岩哂😋香蕉朱古力蛋餅🧇蛋餅既外皮柔軟，內餡既香蕉同融化既朱古、紅豆口感豐富，作為飯後甜品非常適合🤤📍 四妹廚房荃灣西樓角路186-200號荃昌中心昌安商場地下5號舖#食好西 #荃灣食好西 #荃灣美食 #四妹廚房 #荃灣推介 #foodiehk #openricehk #hkfoodie

🏡 四妹廚房｜荃灣街坊抵食小炒 蒜香雞翼尖＋煎榴槤餅邪惡到震！今個晏晝同班friend癲咗去荃灣「昌安商場」搵食，撞入地舖嘅四妹廚房！呢間真係隱世街坊飯堂，門口掛住”即日鮮魚”紅紙，未入去已經聞到鑊氣香～ 我哋四條友喪點一轮，食到捧住個肚走，人均兩舊水有找，抵食到笑！🔥 蒜香椒鹽雞翼尖（必點！） 一上枱「嘩」一聲！金黃色嘅雞翼尖堆到成座山咁，炸到脆卜卜兼乾身，椒鹽同炸蒜粒黐滿晒，香到隔離枱望過嚟！咬落「索索聲」，外皮脆到似食薯片，入面仲keep到肉汁，蒜香味直衝天靈蓋，送啤酒真係無得頂！食到手指尾都吮埋，朋友仲想encore多碟！🫓 麥餅（懷舊驚喜） 阿姐極力推介嘅手工麥餅，一啖咬落去——哇！鬆軟到好似食緊雲啊！ 麵粉香好純樸，煎到微焦帶脆邊，啖啖都係阿媽整嘅味道！簡簡單單點啲煉奶，竟然係全晚最治癒，班90後friend食到眼濕濕：「細時茶記味返晒嚟！」🍋 手打檸檬茶（暴打！） 見到師傅即叫即「揼」檸檬，落手重過葉問打木人樁！茶底濃得嚟唔澀，酸度激爽唔死甜，仲有檸檬粒咬到「卜卜聲」，飲完喉嚨即刻「叮」一聲醒神，解膩一流！💣 煎榴槤餅（核彈級邪惡） 榴槤控注意！一上枱臭香攻鼻，外皮煎到金

每一次嚟荃灣都想食米線，但係都食厭晒啦，朋友介紹呢度有間冇味精嘅私房菜，或者嚟試吓啦。一入到去已經好有家庭嘅溫暖老闆娘同每一個客人噓寒問暖，而且了解大家鍾意食啲咩，真係好鍾意呢種氛圍感啊。而且一坐低老闆娘就俾咗碗湯我飲，真係好有家嘅感覺。首先我哋叫咗個韭菜魚肉角，因為朋友未到，所以就叫啲小食食吓先。估唔到比我想像出色好多，佢嘅韭菜多到好似一個韭菜餃子咁，而且炸嘅時間啱啱好，完全唔覺得太熱氣。糖醋金沙骨又係我覺得好抵食嘅地方，平時我好唔鍾意食啲炸醬太多嘅食物，但係呢個就啱啱好，而且調味都好出色啱啱好調到金沙骨嘅香味。呢度有個每日鮮魚套餐，係做每日最新鮮嘅魚嚟整嘅，包保新鮮。而且份量仲好多我哋幾個人都食唔晒兩條。魚肉好嫩滑，唔會有太多嘅調味可以食出魚既質嘅新鮮。而且呢度仲有好多自製飲品，例如手打檸檬茶或者自製健康飲品，而且完全唔會加味精㗎，真係非常推薦大家帶埋屋企人嚟試吓。

見到評論唔錯，決定今個黎試小店既裝修好有特色！有啲燈籠仔，好溫馨原來咁岩係佢地兩週年，有做緊啲優惠叫左佢地個海鮮拼盤餐一開始就有粉葛栗子煲瘦肉湯飲得出係真材實料！正仲叫左杯好有特色既無花果煲羅漢果好清甜，好解渴霹靂雞翼好特別，係去晒骨之後釀左條青瓜仔同啲花枝好好食！口感好豐富！南乳乳鴿老闆特登同我地講隻乳鴿咁黑唔係燶咗係因為佢地用南乳去整好香口，好食！陳皮蒸黃立䱽好新鮮，啖啖魚肉！好正呀！主角黎啦！海鮮拼盤！有一隻龍蝦，一隻蟹4隻鮑魚，兩隻扇貝！好豐富，新鮮！仲有好多粉絲係底，好惹味蒜蓉通心菜最後個甜品都勁特別香蕉朱古力煎餅！但竟然係用米紙做既！總括嚟講，好食，好用心經營！好有特色！小店值得支持！

海鮮加工小店廚師發辦，勁嘆龍蝦鮑魚扇貝🔥🔻廚師發辦海鮮套餐💰680發現荃灣呢間全部都係街坊食嘅海鮮小炒店，成間鋪頭得廚師同侍應兩個人，忙得黎超有人情味☺️ 雖然人手少，但落單、傳菜、招呼一樣冇甩漏，侍應姐姐仲會同你吹下水，感覺真係好 warm！今次專登提早兩日訂咗佢哋嘅海鮮發辦套餐，估唔到咁豐富😍 真係有驚喜！我哋個煲一上枱已經香氣撲鼻！打開蓋，嘩！真係睇見都開心：1️⃣龍蝦半隻開邊，肉厚彈牙，啖啖肉仲有甘香嘅蝦膏🔥2️⃣鮑魚有兩隻，加入陳皮去腥，炆得夠淋又入味，咬落去軟糯帶少少韌勁，正👍🏻3️⃣蒜蓉粉絲扇貝粉絲索晒蒜蓉同扇貝嘅鮮甜精華，係我至愛！扇貝肉夠大粒😋4️⃣海蝦大大隻🦐蝦肉爽甜，夠新鮮5️⃣沙白煮得啱啱好開口，冇沙，肉質鮮嫩，個湯底因為佢哋更加鮮甜！😍原來個海鮮套餐真係好隨機，驚喜滿滿！聽講每次組合都可能唔同，有機會係龍蝦/蟹/海蝦/扇貝/帶子/花甲/螺/鮑魚/生蠔/蟶子/貴妃蚌/沙白/瀨尿蝦/海上鮮等等😯每次都會有3至4款海鮮咁多，真係睇廚師當日拎到咩靚貨同心情😃套餐仲包埋：✔️乳鴿或半隻雞：我哋揀咗乳鴿，即叫即炸，熱辣辣‼️皮脆肉嫩，醃得夠味，水準唔錯！✔️一份炒青菜：當日係芥蘭，翠綠爽口✔️白飯：兩

🥢四妹廚房 (荃灣)📍荃灣西樓角路186-200號荃昌中心昌安商場地下5號舖🐟大魚煲青木瓜湯🌕🌕🌕🌕🌗每枱都會附上一碗是日靚湯。一入口好似媽媽煲嘅魚湯，清甜鮮味，樸實無味精。碗湯上枱後自己再酌量落鹽，真係好有家的感覺。🐟即日鮮魚套餐🌕🌕🌕🌕🌕呢個好驚喜！煎好嘅竹籤魚微脆，再灑上爆香嘅蔥油，難得內裏仍然保留到肉汁，冇乜碎骨，啲肉一疏疏咁起，非常好味。平日我好鍾意食魚，家人係蒸魚高手，大家都大讚呢款煎魚。🐓霹靂釀雞翼🌕🌕🌕🌕🌗雞翼非常香口爽脆，釀上墨魚膠，配埋椒鹽就相當惹味。🍤蝦多士🌕🌕🌕🌕🌑用米紙包裹蝦及西多再炸，好邪惡，啱晒喜歡脆口炸物嘅朋友。😆🍲生菜粉絲湯🌕🌕🌕🌕🌖生菜湯有肉碎、蝦米、少少咸魚、粉絲、冬菜等，首尾呼應家的感覺。😂生菜大量，食完飽飯飲返碗靚湯，好滿足的一餐。🍋‍🟩手打檸檬茶🌕🌕🌕🌕🌕打好嘅青檸會入紅茶，舒爽清新，消濟清暑。

荃灣呢間「四妹廚房」，真係有驚喜！鋪頭唔算大，但菜式夠晒地道，仲有啲住家湯水飲，好啱我呢啲成日出街食飯嘅打工仔。 首先叫咗杯冰凍羅漢果去濕茶，甜度啱啱好，飲落好潤喉，啱晒夏天消暑。今日餐湯油粉葛涼瓜煲排骨湯，真係無得輸，湯頭清甜得嚟帶少少苦甘，飲完成個人舒服晒，阿媽煲嘅味道啊。馬來咖喱雞扒：咖喱香濃但唔會太辣，雞扒煎得啱啱好，嫩滑唔柴，啲配菜薯仔和薯仔超入味，撈飯食簡直一流。蒜頭豆豉蒸深海泥鯭：魚肉鮮甜冇腥味，豆豉同蒜頭嘅香味滲入魚肉，好有漁村風味。椰汁粉絲白菜: 估唔到用椰汁煮菜咁夾 ，粉絲索晒汁，白菜煮得淋甜。紅燒乳鴿：皮脆肉嫩，咬落去仲有肉汁爆出嚟，蘸少少淮鹽已經夠晒味。

今晚喺荃灣嘅隱世廚房享受咗一頓地道嘅中式家常菜！餐廳位於荃灣西樓角路嘅荃昌中心昌安商場，環境充滿鄉村風情，木質傢俱同磚牆設計配搭傳統裝飾，氣氛溫馨舒適，超適合一家人聚餐🍲.我哋點咗幾道招牌菜，送白飯同餐湯份量十足，食完真係滿足到喊，性價比高得驚.南瓜雞腳無花果湯 (套餐湯) 🍵湯係南瓜雞腳無花果湯，南瓜嘅甜味同雞腳嘅鮮香混搭，無花果增添咗一啲天然果香，湯清甜又補身，飲落暖胃又滿足.豉汁蒸馬友🐟主菜有豉汁蒸馬友魚，魚肉新鮮結實，肉質彈牙帶鮮，蒸既時間剛剛好，魚肉充滿油香，表面淋上濃香嘅豉汁，帶出獨特嘅鹹香同微甜，搭配薑絲同蔥絲中和腥味，食落鮮味十足！.鹹蛋蒸肉餅 🥚另一道主菜係鹹蛋蒸肉餅，肉餅軟嫩多汁，鹹蛋黃嘅濃香滲透入肉餅，食落鹹香撲鼻，口感豐富，肉汁同鹹蛋黃嘅味道完美融合，送飯一流.韭菜花炒腩片 🥬🥓呢道菜係韭菜花炒腩片，腩片煎得外脆內嫩，韭菜花嘅辛香同腩片嘅肉香完美融合，炒得入味，食落開胃又有層次，停唔到口.腐皮韭菜盒子 🥟小食部份有腐皮韭菜盒子，外層腐皮炸到金黃酥脆，內餡充滿韭菜嘅清香同少許肉碎，咬落去香脆可口，韭菜嘅鮮味同腐皮嘅香氣完美配搭.香煎豆沙蛋餅 (甜品) 🍮甜品係香煎

最近發現了一間家庭式小炒，一入門，陣陣鑊氣同人情味已經感受到住家風味。自家製竹蔗茅根清熱解暑，甜度剛好，飲完透心涼。蜆介鲮魚球鲮魚球彈牙鮮甜，蜆介汁濃郁唔腥，食落好似同海鮮嚟咗場約會！木瓜雞腳湯清甜養顏，木瓜香甜，雞腳燉到入口即化，暖胃又暖心。乳香脆乳鴿外皮脆得像薯片，肉嫩多汁。欖角肉碎炒四季豆充滿鑊氣，四季豆爽脆，欖角同肉碎嘅鹹香組合，係白飯嘅最佳拍檔！梅菜炆豬肉軟糯入味，梅菜嘅鹹香同豬肉油脂完美平衡，食到舔碟！豉汁蒸黃立䱽魚肉嫩滑，豉汁提鮮，完美的白飯小偷。榴槤朱朱蛋餅榴槤香濃到爆，蛋餅軟糯香脆，榴槤控一定會愛上！份量夠晒，價錢親民，係家庭聚餐或朋友吹水嘅最佳選擇！

係荃灣剪完頭髮就係附近行下睇下有咩食，原來荃昌中心地下都有幾間打冷，係角落頭有間小店「四妹廚房」，裝飾感好似穿越時空去左古代😂呢點就吸引左我入去食😂紅蘿蔔粟米豬骨湯有住家湯的味道。紅蘿蔔同粟米都好甜，令到成碗湯都好清甜。重要係無添加味精，好有心機。炸墨魚餅有三塊炸墨魚餅，炸至金黃色，又唔會炸到乾身，仍保留口感彈牙，沾上泰式辣醬更加好食。欖菜肉碎四季豆好好食，欖菜既咸香味，配爽口既四季豆好夾。仲有肉碎，餸飯食一流！蜜桃炒雞柳幾特別，第一次食熱食炒餸會有蜜桃。味道酸酸甜甜，都幾開胃。不過略嫌雞柳既炸粉有點多，不過整體既味道都唔錯。冬菜蒸魚（釘公）最怕食到蒸過龍既魚，不過呢到既蒸魚又幾好食，先講蒸魚時間拿捏岩好，唔會蒸到老晒。魚肉好滑，好食。乳香脆燒乳鴿見到有乳鴿又想食，又燒得幾好，皮薄酥脆 雖然細隻，但都幾多肉，肉質細膩。手打檸檬茶老闆娘親自手打檸檬茶，手打又確實幾好飲，酸甜味平均，好解渴。

[✨荃灣四妹廚房 ]#荃灣 #四妹廚房🔸深海泥鯭 (配白飯 + 湯) $88魚肉肉質鮮甜，調味恰到好處唔會搶到魚肉嘅鮮味，好食！🔸香煎墨魚餅 $32新鮮自家製，粒粒墨魚肉好有口感🔸是日炒菜 $88炒菜清甜爽口，亦好入味，仲有好多雞肉作配料，好豐富。🔸紅燒乳鴿 (配白飯 + 湯) $58乳鴿外皮炸得好香脆，味道亦唔會死鹹，肉質又嫩滑，水準好高！🔸土魷蒸肉餅 $72粒粒土魷好有口感，肉餅真材實料啖啖肉感，用黎餸飯真係一流。🔸手打檸檬茶 $28/杯新鮮足料檸檬茶，大熱天時真係清涼首選！————————♡♡♡♡♡♡————————✨總結餐廳係荃昌中心，不過由於係地下層，平時都唔會兜過嚟，係一間比較隱世嘅小店，主打家常菜，所以唔會有咩好華麗嘅菜式，不過水準就真係好高，好有家的感覺，加上價錢親民，份量又十足，好值得一試！ 📍四妹廚房🏠荃灣西樓角路186-200號荃昌中心昌安商場地下5號舖

搬左出嚟住之後成日都好掛住住家飯嘅味道，但收工再買餸已經好夜。見上網有人講依間四妹廚房可以食到屋企嘅味道，收工就即刻去試下😍店舖位於荃灣荃昌中心，鋪頭細細但勝在裝修有溫度而且坐落幾闊落👍每一個住家餸都會跟白飯同住家靚湯🌟鱷魚肉海底椰湯每日嘅住家靚湯都會唔同，我去果日就係鱷魚肉海底椰湯，飲落妹清潤，面且材料都好足又冇味精，好似媽咪煲嘅靚湯咁🌟藤椒魚皮（$58）真係好香藤椒香味，麻麻辣辣咁都幾過癮，如果怕辣嘅朋友仔可以夾埋啲青瓜絲一齊食，味道清爽之餘又可以降辣🌟香炸鯪魚球（$88）佢呢個鯪魚球呢好大牙而且外皮炸到好脆 加埋蜆蚧醬一齊食味道更加之出，同埋鯪魚肉本身已經夠彈牙👍🌟豉汁蒸馬友（$88）依間鋪頭其中一個主打就係蒸魚，每日都會有唔同嘅魚品可以揀😍我今次就叫左豉汁蒸馬友，魚本身蒸得好清又唔多骨，啱晒我依啲懶人🌟欖菜炒肉碎（$72）餸飯必點☺️炒嘢鑊氣好夠，欖菜用量一啲都唔手軟，每一啖肉碎都包埋欖菜👍👍🌟帶子蒸水蛋（$72）水蛋蒸得好滑而且又好香蛋味😍仲加埋鮮甜嘅帶子肉👍👍好好味🍴四妹廚房 (荃灣)📍荃灣西樓角路186-200號荃昌中心昌安商場地下5號舖

好友約我去位於荃灣西樓角路186-200號荃昌中心昌安商場地下5號舖的《四妹廚房》食住家飯，小店型式經營，裝修雅緻。我地點左：📍住家湯（跟餐）今日係：花生眉豆涼瓜煲排骨，湯底清甜，冇味精呀，好好飲。📍菜心炒雞柳 $72菜心青綠，雞柳嫩滑好味。📍酸豆角炒肉碎 $72呢碟餸送飯最好，肉碎好入味，有少少辣，幾惹味。📍香煎墨魚餅 $32墨魚餅煎得香脆嫩滑可囗。📍陳皮蒸深海泥鯭 $98上檯時，陣陣陳皮味好香濃；深海泥鯭 size 好大條，火喉掌握得好準確，魚肉嫩滑，連魚骨都食得好乾淨。📍飲品係竹蔗茅根和花旗參雪梨茶 $24 x2自家製的飲品，清爽好飲。