源興隆麵家

營業中

休息中

香港地食麵嘅地方多不勝數，但如果要穩一間堅持傳統味道，保證量足料靓，老闆做事亦一絲不苟，而且用心照顧每一位客人，留得住街坊嘅心，又吸引到四方八面嘅人來食麵嘅話，我認為係源興隆。記得第一次入來食麵只不過係路過醫肚，發現唔少食客都係街坊街里，老闆同唔少堂食或者買外賣嘅人客都親切地寒暄。我鍾意食伊麵，但做得好味嘅地方唔多，唔係湯底太油就係麵煮得過腍，源興隆煮嘅伊麵就啱曬我心水，而且湯底又鮮甜無味精味。而家住係西環，時不時都會來食碗麵，每次都搭配唔同嘅料試下唔同味道。豬手燜得夠入味夠腍，牛肚爽口，墨魚鬚頭又彈牙。我亦好欣賞佢地會將蔥花放係瓷羹度，呢種細節足見師傅嘅講究。老闆Mr. So都幾潮，為人親切老實，試過埋單話一蚊唔使找，佢都係要找翻俾我，我又留意到佢對來食麵講國語嘅同學都好有耐性。一間麵店除咗食物水準高，又充滿人情味，真係好難得。