李家 (華發大廈)

營業中

休息中

李家係香港第一代嘅韓國炸雞過江龍，由韓國人於多年前開業，難怪網上有唔少評論／專欄文章都介紹佢哋係香港嘅「元祖級」炸雞店😎喺香港不同區份開咗好幾間分店，相信點都有返咁上下實力先做到🤩對於鍾意食韓式炸雞嘅我，呢一餐絕對係開正我嘅口味😝好多唔同款嘅炸雞口味😬有得雙拼，照顧到顧客需要！😃韓式甜辣味炸雞今次炸雞揀咗無骨，食嘅時候可以大啖大啖咁食，食落啖啖肉，十分暢快😁上檯嘅時候係好熱辣辣，雞皮好香脆，炸粉唔會話太厚，完全係我鍾意嘅質感🤩蜂蜜蒜蓉味炸雞兩款炸雞嘅份量係相當之多，一份都差唔多有十件，留意返呢個只係半份嘅Size，如果全份都係同一隻味真係要叫多幾個朋友先拆得掂🤣真係好難忍到口！😋店舖提供咗兩款伴菜，俾大家食炸雞嘅時候可以減一減油膩感～除咗招牌炸雞之外，我哋再叫咗一份芝士辣海鮮炒年糕😀芝士份量極多，可以輕易做到拉絲嘅效果，醬汁甜甜辣辣好好味😀第一次飲呢罐Trevi韓式汽水，係無糖嘅青檸味有汽水，又幾好飲啵！