影片
更多
2023-07-18
197 瀏覽
呢間TERA喺YOHO都開左一段時間，終於都一試。晚市有提供二人晚餐，呢個set性價比都幾高。包左份頭盤、兩份主食、兩客甜品同兩杯飲品，人均都係$200倒，比起單點要抵好多。不過呢度係出名食pancake，今次太飽試唔到，下次要試試！頭盤先黎一份二人份量既煙三文魚沙律。沙律菜新鮮，撈左沙律醋開胃清新，煙三文魚有四片，鹹香好味。主菜揀左明太子蟹肉意粉。呢個意粉好好味！意粉sauce好creamy，滿滿明太子既鹹鮮同蟹肉碎，鮮味十足，每條意粉都好掛汁！另一款係香煎比目魚配墨魚汁燴意大利飯。個墨魚汁同明太子意粉一樣咁creamy同鮮味，risotto口感啱啱好，唔會太軟身！比目魚煎得皮脆肉嫩。甜品有兩客流心芝士撻。估唔到呢件芝士撻會咁高質！撻皮鬆脆，芝士餡流心得黎芝士味道好濃郁，唔錯呀！套餐包括既兩杯飲品可以喺menu入面自選。香蕉咖啡配椰乳有驚喜！加入椰奶既咖啡飲落好夾，入面既香蕉蓉多左份香甜，中和左咖啡既苦，意想不到既好飲！另外亦可以點原壺養生花茶。荔枝玫瑰花茶唔錯。
晚市有提供二人晚餐，呢個set性價比都幾高。
包左份頭盤、兩份主食、兩客甜品同兩杯飲品，人均都係$200倒，比起單點要抵好多。
不過呢度係出名食pancake，今次太飽試唔到，下次要試試！
頭盤先黎一份二人份量既煙三文魚沙律。
沙律菜新鮮，撈左沙律醋開胃清新，煙三文魚有四片，鹹香好味。
主菜揀左明太子蟹肉意粉。
呢個意粉好好味！意粉sauce好creamy，滿滿明太子既鹹鮮同蟹肉碎，鮮味十足，每條意粉都好掛汁！
另一款係香煎比目魚配墨魚汁燴意大利飯。
個墨魚汁同明太子意粉一樣咁creamy同鮮味，risotto口感啱啱好，唔會太軟身！比目魚煎得皮脆肉嫩。
甜品有兩客流心芝士撻。
估唔到呢件芝士撻會咁高質！
撻皮鬆脆，芝士餡流心得黎芝士味道好濃郁，唔錯呀！
套餐包括既兩杯飲品可以喺menu入面自選。
香蕉咖啡配椰乳有驚喜！
加入椰奶既咖啡飲落好夾，入面既香蕉蓉多左份香甜，中和左咖啡既苦，意想不到既好飲！
另外亦可以點原壺養生花茶。
荔枝玫瑰花茶唔錯。
張貼
