The Third

營業中

休息中

當日晏晝去到已經大排長龍，都等左40分鐘左右先有位。而佢入面樓底都幾高，而且綠白色牆身同整體既擺設配搭有種外國cafe既感覺，不過佢鋪面好細，所以坐落會覺得有d逼。佢成間鋪都係以pancake同coffee為主，今次就叫左依個Bacon ＆ Egg Pancake，pancake上面配有煙肉、薯餅同煎蛋，而側邊有楓糖同烘過既杏仁片，平時比較少食依個配搭，所以覺得都幾特別。個pancake唔似平時好鬆軟個款，而係食落會有d咬口，比平時食開既實身。雖然佢係以pancake為主，但個人覺得佢d配料都好食，煙肉香得黎唔會過鹹／過油，薯餅香脆，煎蛋流心有燶邊。整體味道都襯得唔錯，而且食一份都已經非常飽。另外叫左杯叫Ying Yang既咖啡，佢係咖啡入面加入左竹炭，令到個漸層有d似墨水化開咁，飲落會比一般既咖啡無咁濃同易入口。