影片
更多
2021-12-29
299 瀏覽
25/12，約好6個朋友食late breakfast，11:00左右，2個朋友先到，見其中一間有棵假桃花樹嗰邊有位就坐低先，點餐之後同個目測5,60幾歲嘅女侍應講，有幾個朋友過緊嚟，可唔可以安排到座位？ 唔到五分鐘個女人就啱啱尋尋拜神唔見雞咁樣畀說話我兩個朋友聽，意思係話我朋友人未到就霸曬佢啲位，真係百思不得其解！5分鐘後，我同另外3位朋友開車到咗，見朋友食緊嗰間moment好多人等位，又見隔離果間一模一樣又叫moment cafe，以為係同一間，反正冇得坐埋一圍所以分開食， 問題又出現，個後生女侍應同我哋講完一番說話我哋都唔知佢噏乜，原來係想我哋4個入去坐室內 迫啲坐3個座位，以心為心假期人多都算啦，心諗食物好食就得啦，兩間餐牌食物不一樣， 都算，照點餐，結果等咗廿分鐘未有嘢食，其中一個朋友胃唔舒服想食啲嘢，坐喺假桃花樹嗰邊嘅朋友知道情況就share啲食物攞去畀佢食，唔舒服嘅朋友食左一啖雞蛋個女侍應就上前制止，唔畀佢繼續食，仲要好大聲語帶諷刺講唔可以帶其他餐廳嘅嘢入去食，我朋友問，乜唔係同一間咩？ 佢好惡咁講2間係分開經營嘅，我朋友當刻已經好唔開心！最後， 因為大家好唔開心走人，我
5分鐘後，我同另外3位朋友開車到咗，見朋友食緊嗰間moment好多人等位，又見隔離果間一模一樣又叫moment cafe，以為係同一間，反正冇得坐埋一圍所以分開食， 問題又出現，個後生女侍應同我哋講完一番說話我哋都唔知佢噏乜，原來係想我哋4個入去坐室內 迫啲坐3個座位，以心為心假期人多都算啦，心諗食物好食就得啦，兩間餐牌食物不一樣， 都算，照點餐，結果等咗廿分鐘未有嘢食，其中一個朋友胃唔舒服想食啲嘢，坐喺假桃花樹嗰邊嘅朋友知道情況就share啲食物攞去畀佢食，唔舒服嘅朋友食左一啖雞蛋個女侍應就上前制止，唔畀佢繼續食，仲要好大聲語帶諷刺講唔可以帶其他餐廳嘅嘢入去食，我朋友問，乜唔係同一間咩？ 佢好惡咁講2間係分開經營嘅，我朋友當刻已經好唔開心！
最後， 因為大家好唔開心走人，我埋單，銀包我只有一張一千蚊同2張20蚊，收銀唔肯收1000蚊， 叫我去7仔ok搵辦法找散佢，好奇怪食幾百蚊嘢一千蚊唔肯找續？仲有，拒收流通貨幣屬違法行為，當然如果你懷疑懷有偽鈔可以報警，當一刻我真係嬲到有2個諗法，一係一走了之，一係報警搞佢，但係顧及道義，我只能叫朋友返嚟畀錢！！ 話咗請客仲要叫朋友返嚟畀錢，真係好樣衰，大家再嬲多次！
仲有，我哋未食完侍應就收走曬我哋啲餐具，咁樣好冇禮貌，其實唔係第一次幫襯，以前唔覺咁惡劣！
純粹分享不愉快經歷，不過假期咁嘅態度，永冇下次！
張貼