華星冰室 (阜財街) (已結業)

知道元朗開左間華星冰室，因為之前飲過灣仔華星嘅奶茶覺得唔錯，呢日老公同我就特登去食下午茶試下。我點左個“是日下午茶餐”中嘅炸鷄翼薯條配冰奶茶($37)。鷄翼望落金黃色，食落外皮好香脆，入面肉質juicy, 口感唔錯，不過就唔算太入味，味道主要嚟自灑喺表嘅淮鹽，不過淮鹽份量唔係好夠，所以淡左少少。薯條炸得ok, 唔會過火太硬太乾。凍奶茶就淡左少少，如果茶味同奶味濃返少少會更加好，或者下次應該叫熱奶茶再試真D茶味。