影片
更多
2018-12-29
383 瀏覽
今次難得朋友很破費請我食我omakase，就要食間一致好評㗎啦。元朗此間就較為出名亦聽朋友說菜式貼近我們的口味, 所以我的生日飯就選址在此。入到來鋪仔細細只有10個座位,廚師好近距離咁每道菜都為我們介紹。坐下來抹抹手就先食一個非常矜貴嘅金箔黑松露蒸蛋，入面有菇同乾元貝，黑松露味超濃配埋入邊的元貝鮮味簡直一試難忘。石門鯛魚 連埋水種的蔥一齊食, 師傅教落要咬多幾啖, 咬爛D纖維, 質感不錯。野生油甘魚，深海池魚。白象拔蚌，厚身好爽甜，口感豐富厚 ！香箱蟹, 師傅話可以食到的時間係11月10號 食到1月21號 , 時間都咁仔細實在難得。 係松葉蟹"乸" , 面頭有一層用蟹煮的芡汁, 蟹腳肉下面就係一層厚厚的膏, 唔會有腥的感覺, 個芡汁有好突出的蟹嘅鮮味及甜味 係貫通了蟹肉同膏的精髓。炸過嘅白子- 似豆腐咁滑但比豆腐實淨, 本身沒有什麼味道, 但炸完之後就用少少鹽吊味, 就如天婦羅般簡單好食。有幸同場加映師傅正值開吞拿魚,可以清晰見到唔同位置有著唔同顏色的分佈,色澤又均衡又鮮。當然Omakase 就係比最新鮮當令的食物我們,所以我們也來個三級跳。先來中拖羅,只是輕輕咬兩口便溶化雪花中拖羅
入到來鋪仔細細只有10個座位,廚師好近距離咁每道菜都為我們介紹。坐下來抹抹手就先食一個非常矜貴嘅金箔黑松露蒸蛋，入面有菇同乾元貝，黑松露味超濃配埋入邊的元貝鮮味簡直一試難忘。
石門鯛魚 連埋水種的蔥一齊食, 師傅教落要咬多幾啖, 咬爛D纖維, 質感不錯。
野生油甘魚，深海池魚。
白象拔蚌，厚身好爽甜，口感豐富厚 ！
香箱蟹, 師傅話可以食到的時間係11月10號 食到1月21號 , 時間都咁仔細實在難得。 係松葉蟹"乸" , 面頭有一層用蟹煮的芡汁, 蟹腳肉下面就係一層厚厚的膏, 唔會有腥的感覺, 個芡汁有好突出的蟹嘅鮮味及甜味 係貫通了蟹肉同膏的精髓。
炸過嘅白子- 似豆腐咁滑但比豆腐實淨, 本身沒有什麼味道, 但炸完之後就用少少鹽吊味, 就如天婦羅般簡單好食。
有幸同場加映師傅正值開吞拿魚,可以清晰見到唔同位置有著唔同顏色的分佈,色澤又均衡又鮮。當然Omakase 就係比最新鮮當令的食物我們,所以我們也來個三級跳。
先來中拖羅,只是輕輕咬兩口便溶化
雪花中拖羅, 入口更為軟身,有油份,溶喺口中的感覺更強烈。
火灸過的大拖羅, 油份最重, 一定要沾上wasabi 因為油份同芥末係有化學作用咖, 不單沒有攻臭感而且仲有一種甜味滲出黎, 神奇。
壽司:
針魚, 好鮮甜有黏口感覺。
𩶘魚, 有燒過嘅香味, 面頭有魚子醬加上金泊,絕對是一級矜貴享受。
講到三文魚子軍艦經過特別的處理,每一顆三文魚子都醃制過,有輕微的酒香但係甜味的, 入口時每貫魚子都係獨立鮮明的,感受到它是脆皮,沒有黏在一齊。
再黎半板馬冀海膽堆成的丼, 屬於高質海膽,只有鮮甜味 沒有腥味異味。
用火燒猛烈燒過的左口魚,出曬所有魚油,然後倒返D omg3 魚油入飯中,再用紫菜包返住食...wow... 無諗到溶曬嗰種香味係可以咁滿足。
最後有一碗甜到無得彈的魚湯 同 一件噴上威士忌的密瓜就完滿結束。
價錢雖然非常貴但全晚每一道菜都可以稱得上是享受，那怕只係簡單一片魚生或者一件食材但經過他們處理之後, 都覺得別樹一格, 喺一般日本料理係食唔到嘅, 所以貴少少號一次都是值得的。
張貼
