常得館米線 (已結業)

第一次出文，打得唔好唔好見怪🙏😅今日去開大橋個邊，見到呢間新開米線鋪？（我都好耐冇去呢邊），肚餓就入去試下。叫左2個米線，湖南麻辣牛肉米線同埋自製泡椒肥腸米線，另外要多左個皮蛋。一開始問店員有幾辣，佢話淨係麻辣牛肉辣，米線唔辣，原來上到枱都見到幾辣，聞到香濃麻辣味。牛肉幾入味，米線都爽口，呢種辣好似係要返鄉下先食到。封咗關幾年都無返過上去，食到呢種味都有啲回味以前嘅感覺。一開始食都唔覺好辣，食食吓都頂唔順要加番罐可樂，食到辣嘅朋友又可以試吓👍🏻泡椒肥腸米線好大陣肥腸味😍不過女朋友話唔鍾意肥腸味，我就覺得呢種騷好正😂肥腸淋身，有陣陣泡椒味，如果泡椒味再濃啲會在正啲。涼拌皮蛋都唔錯，有醋香味，配埋蔥蒜好開胃。