影片
更多
2018-09-22
1976 瀏覽
食咗咁多嘢之後，最後去試下新開嘅花膠撈麵！（**因為我4月食果陣佢仲係得一間舖！轉眼間佢已經有幾間分店！） 呢間嘢係我從朋友T口中得知，其實我聽到咁平嘅花膠，心諗佢d質素都應該一般般，但試下又無妨嘅！去到門囗，見到個燈箱標明「正宗北極鱈魚膠」，八怪嘅我即刻google下，睇到原來呢隻花膠價錢都幾平，平均廿零蚊隻，比較薄身，浸發後都係得半厘米左右厚。大約浸兩個鐘就可以煮，加上北歐魚比較乾淨，所以沒冇乜腥味，但食療作用就冇乜，不過幾十蚊過下口癮就ok!當晚餐廳大約係80%客滿。餐廳裝修整潔，冇太大特色，只係屏風上掛咗幾個茶壺做裝飾。主食得係粉麵同碗仔翅，另外有燉品、小食同飲品。秘製麻辣醬拌皮蛋皮蛋本身有d流心，唔會死實實，但個秘製辣醬就麻麻地，加上佢好勁醋味，我麻麻地！花膠雞絲魚翅呢個翅38蚊仲有咁大舊花膠，其實都算抵！不過味道一般，你話佢差又唔係，碗仔翅要有嘅雞絲、冬菇、木耳、佢都有齊，稀杰度適中，但就係差咗d鹹味，比較淡口。舊花膠更加係無味！花膠蠔汁撈粗麵餐廳本身有湯麵同撈麵，我哋叫咗撈麵，上枱果陣都幾吸睛㗎！有兩大舊花膠、4大粒花菇，兩樣嘢已經佔據咗大半個碟，加埋一大個撈粗，再有條菜
呢間嘢係我從朋友T口中得知，其實我聽到咁平嘅花膠，心諗佢d質素都應該一般般，但試下又無妨嘅！
去到門囗，見到個燈箱標明「正宗北極鱈魚膠」，八怪嘅我即刻google下，睇到原來呢隻花膠價錢都幾平，平均廿零蚊隻，比較薄身，浸發後都係得半厘米左右厚。大約浸兩個鐘就可以煮，加上北歐魚比較乾淨，所以沒冇乜腥味，但食療作用就冇乜，不過幾十蚊過下口癮就ok!
當晚餐廳大約係80%客滿。
餐廳裝修整潔，冇太大特色，只係屏風上掛咗幾個茶壺做裝飾。
主食得係粉麵同碗仔翅，另外有燉品、小食同飲品。
秘製麻辣醬拌皮蛋皮蛋本身有d流心，唔會死實實，但個秘製辣醬就麻麻地，加上佢好勁醋味，我麻麻地！
35 瀏覽
0 讚好
0 留言
花膠雞絲魚翅
呢個翅38蚊仲有咁大舊花膠，其實都算抵！不過味道一般，你話佢差又唔係，碗仔翅要有嘅雞絲、冬菇、木耳、佢都有齊，稀杰度適中，但就係差咗d鹹味，比較淡口。舊花膠更加係無味！
29 瀏覽
0 讚好
0 留言
12 瀏覽
0 讚好
0 留言
花膠蠔汁撈粗麵
餐廳本身有湯麵同撈麵，我哋叫咗撈麵，上枱果陣都幾吸睛㗎！有兩大舊花膠、4大粒花菇，兩樣嘢已經佔據咗大半個碟，加埋一大個撈粗，再有條菜拌碟，呢個麵48蚊真係無敵！
我第一啖當然係食花膠，今次呢個花膠比頭先碗仔翅果舊好好多！雖則話鱈魚膠比較薄，但咬落都係黏黏地，唔多唔少都有d骨膠原嘅，加上炆得入味，唔錯！花菇同樣炆得入味，又夠厚身，幾有口感！
可惜敗筆係個麵喥，麵質本身應該唔差，應該煮過龍，d麵淋曬好笠囗，又唔夠蠔汁，成個麵好淡口。
另外，如果餐廳有d辣椒油就好嘞，起碼個麵難食都加幾分丫！
23 瀏覽
1 讚好
0 留言
張貼
