新・麺舎 (已結業)

雖然依間拉麵店嘅裝修偏向日式，但係招牌註明係食港風拉麵，聽落幾特別，拉麵嘅款式好多，有9款，湯底有分豚骨、醬油清雞湯、蕃茄清雞湯，而且啲配搭的確好新奇，例如沙薑豬手粒、紅燒肉～很營拉麵🍜鴨胸肉夠嫩而且燒過所以好香，炒雜菌嘅香草味突出，而韮王就相對清新，配搭醬油清雞湯就可以突顯到各種配料嘅味道，成碗拉麵有好多唔同元素🍄很地拉麵🍜睇個配搭就知依款係相對濃味啲，有火炙叉燒配豚骨白湯，仲有加埋豬油渣嘅油香，不過配料有粟米芯、翠玉瓜、紅蘿蔔等蔬菜可以平衡一下🥕煎餃子嘅餃子皮好脆，要趁熱食🥟叫一碗拉麵同埋小食就可以加$3配飲品，就好似一個餐咁，而且唔收加一，晚餐每人埋單$100內都算係實惠🥤