緣聚 (已結業)

一般都圍住市區搵美食嘅我，好少會入大西北咁遠食野，估唔到元朗隱藏左一間菜式超多又性價比超高嘅西日放題餐廳——緣聚，最抵$238便可食到2小時晚市放題涵蓋超過100款菜式，包括刺身、天婦羅、鍋物、粥麵飯、甜品、酒、飲品等等，裡面仲有兒童餐食物~加多190蚊有埋生蠔同海膽手卷食，啱曬一家大小/朋友聚會 😘個人比較推介佢嘅大甜蝦刺身同埋帶子刺身，蝦肉非常大隻又鮮甜，蝦膏都好rich，帶子粒粒飽滿肥美，無雪藏味。有budget的話，不妨可以加埋錢黎試下，佢地嘅生蠔肉質細嫩，口感creamy，搭配檸檬汁，完全唔腥，值得一試。壽司方面特別推介火炙和牛壽司，d牛肉好juicy加上dd燒肉汁，鹹鹹甜甜嘅味道，相信連小朋友都中意食。至於主食類，建議可以試下蝦味噌蟹黃軟殼蟹粥，天婦羅軟殼蟹雖然比較淡味，但喺有左蝦味噌蟹黃粥之後，突出左軟殼蟹原有嘅鮮甜。另外香煎羊扒同冰火鵝肝多士都好唔錯，羊扒一d都唔騷，嫩滑多汁，鵝肝多士配左塊芒果，食落一d都唔膩，好fresh嘅感覺。甜品係令我最驚喜嘅，雖然係放題式餐廳，但喺樣樣甜品都精緻美味，無論係炸嘅甜品，定係西式甜品一樣咁出色，特別推介草莓吉士銅鑼燒、芝士撻同吉士紅