影片
更多
2022-06-17
795 瀏覽
收工路過元朗橫街小巷，見到依間「野川拉麵の深燒食堂」，天時暑熱門口都坐左唔少人，即刻比佢吸引住想入去試下咩來頭。 依間鋪唔係元朗熱鬧的大馬路，亦未必係元朗出名的名物；但環境chill到令我諗起日本的「磯燒水產」，我鋪旅行癮即刻番曬黎。依間鋪頭環境闊落、坐位亦非常寬敞，岩哂朋友聚舊、一家大細黎就最岩啦。 講番野食先，一打開個餐牌，已經比一系列的海鮮吸引，海鮮自帶有鮮味、過多的醬汁又會令佢地失去應有的鮮味，所以海鮮要煮得好，係好考一間餐廳的烹調方法。 芝士燒半殼蠔＆蒜蓉燒扇貝餐廳選擇的食材可以話係中上級，海鮮唔會似雪左十世咁，口感未去到入口即溶、但亦唔會硬，醬汁岩岩好，唔會蓋過鮮味，加埋食物溫度夠哂熱，簡直冇得輸！ 油甘魚＆北寄貝＆鮮帶子壽司我會話壽司係黎依到必食！平均每件壽司８蚊，自然會諗起唔好太強求質素，但一放落口竟然有層次感亦帶有淡淡鮮味！真係估你唔到！擺盤亦明顯是有心思的擺盤。 鮮鮑魚睇相好似平平無奇又冇醬咁，巧妙功夫在內涵！一咬落去，鮑魚即滲出濃厚而剛剛好的鹽燒味，真係不遲亦不早。食鮑魚最怕就係硬過鬼，咬唔開，依到既食材真係夠哂新鮮及煮得岩岩好，完全唔覺得硬，阿婆唔洗切都食到！
依間鋪唔係元朗熱鬧的大馬路，亦未必係元朗出名的名物；但環境chill到令我諗起日本的「磯燒水產」，我鋪旅行癮即刻番曬黎。依間鋪頭環境闊落、坐位亦非常寬敞，岩哂朋友聚舊、一家大細黎就最岩啦。
講番野食先，一打開個餐牌，已經比一系列的海鮮吸引，海鮮自帶有鮮味、過多的醬汁又會令佢地失去應有的鮮味，所以海鮮要煮得好，係好考一間餐廳的烹調方法。
芝士燒半殼蠔＆蒜蓉燒扇貝
餐廳選擇的食材可以話係中上級，海鮮唔會似雪左十世咁，口感未去到入口即溶、但亦唔會硬，醬汁岩岩好，唔會蓋過鮮味，加埋食物溫度夠哂熱，簡直冇得輸！
油甘魚＆北寄貝＆鮮帶子壽司
我會話壽司係黎依到必食！平均每件壽司８蚊，自然會諗起唔好太強求質素，但一放落口竟然有層次感亦帶有淡淡鮮味！真係估你唔到！擺盤亦明顯是有心思的擺盤。
鮮鮑魚
睇相好似平平無奇又冇醬咁，巧妙功夫在內涵！一咬落去，鮑魚即滲出濃厚而剛剛好的鹽燒味，真係不遲亦不早。食鮑魚最怕就係硬過鬼，咬唔開，依到既食材真係夠哂新鮮及煮得岩岩好，完全唔覺得硬，阿婆唔洗切都食到！
燒油金魚頭＆椒鹽雞軟骨
調味一流！燒到金黃色香噴噴，咬落去乾淨利落，非常脆口，食完一啖又一啖，完全停唔到口！
牛肉壽喜燒
用料唔洗多講！CP值超高！每種配料都係天生絕配，醬汁唔會太濃搶哂食物原有的味道。
如果你想搵過舒舒服服地方，享受一個美滿既晚上，傾下計飲下啤酒，依到絕對係一個好好既選擇。
張貼
