緣聚西日餐廳 (西裕街) (已結業)

講講今次食既呢間放題，位於元朗區西裕街，到步後發現以平日入座率睇蠻高。餐廳位於地庫裝修新穎～ 2小時的任飲任食，分時段不同收費食物種類多，有日式、西式、火鍋 。食物款式相當多，所以岩晒不同人的口味。食物落單後，出食物快，沒有漏單。刺身方面，有三文魚、吞拿魚、八爪魚、甜蝦、帶子、馬刀貝...刺身味道比想像中遜色，不夠鮮味，比較滿意係三文魚，帶點油香。反而，熟食方面不錯，燒蝦燒得很香，味道幾鮮甜。有燒羊扒，可配黑椒汁或蒜蓉汁，肉質軟林。除左西式的扒類，印度薄餅都有，口感酥脆，有朱古力、練奶、咖哩味，可以試下。香煎大蝦，蝦件比串燒蝦大，肉質厚身，質感彈牙紮實。炸物推介雞翼，醃得入味，炸得酥脆，如果喜歡食芝士，芝心蝦丸要試下，唔錯～火鍋選了昆布湯底，配蔬菜肥牛幾夾。樣樣食下話咁快就要食甜品。甜品推介呢個椰汁味雪條，中間包著香竽雪糕，好味。