潮窩 (已結業)

公幹完坐火車回到紅磡，決定食埋飯才回家。係火車站行去黃埔，經過潮窩，見佢有餐牌係門口，就望下，見有鷄煲，就入去試下，因同事鍾意食辣。坐下先叫了個酥炸花生鷄軟骨，非常香口酥脆，送啤酒一流。跟住叫了同事喜愛的鷄煲，上枱香噴噴，靚女侍應話要煮一陣才可以食，煮熟後香味更利害，一食鷄肉好嫩滑。食完鷄就加湯打邊爐。打邊爐點少得肥牛，西洋菜，即包韭菜餃，靚女還介紹了紫菜嚮鈴，芥未墨魚丸，爆汁芝心魚卷，所有食物非常新鮮。