影片
更多
2024-07-23
298 瀏覽
終於等到香港開呢間火鍋店啦，以後唔駛去深圳都可以食到清甜的海南椰子雞火鍋啦。國內已經有超過60間分店，而香港呢間分店座位都幾舒服，好多卡位。香辣文昌雞珍$38先食個小食，雞腎爽彈QQ，配上微辣的麻辣口味，好開胃。原味椰子雞（半隻）$208依度嘅火鍋湯底標榜不會加1滴水，四個椰子一鍋湯。椰子湯入邊有椰子肉，杞子紅棗以及無花果。湯底滾咗之後，店員會幫手放入上海南文昌雞落去，等5分鐘之後就可以食雞同埋飲啖靚湯然後先食火鍋。啲雞好嫩滑，有雞味，個湯底鮮甜到不得了。原切和牛雪花牛肉$198呢個係澳洲M5和牛，色澤鮮紅，放入湯底淥三、四秒即食，口感軟腍，油花豐富。中山脆鯇魚片$58擺盤好靚，一片片薄薄的魚片整齊排着，好自癒。魚片口感爽脆，蘸少少加入了小青檸及砂礓的豉油，更能帶出魚肉的鮮味。鮮珍山菌拼盤$78有四款菇菌，牛肝菌，雞樅菌，繡球菌以及雪山松茸。每款菇吸入清甜的椰子湯味道都好清新鮮甜。我最鍾意就係雞樅菌，好爽脆清甜，繡球菌口感腍滑帶少少爽口，好特別。椰林心形粉$48呢個粉係呢間餐廳獨有，砌成心形，都幾得意。呢種粉口感煙靭，充滿椰子嘅清香，好特別好好味，放入椰子湯食，真係好夾。嫩雞毛菜$28
香辣文昌雞珍$38
先食個小食，雞腎爽彈QQ，配上微辣的麻辣口味，好開胃。
原味椰子雞（半隻）$208
依度嘅火鍋湯底標榜不會加1滴水，四個椰子一鍋湯。椰子湯入邊有椰子肉，杞子紅棗以及無花果。湯底滾咗之後，店員會幫手放入上海南文昌雞落去，等5分鐘之後就可以食雞同埋飲啖靚湯然後先食火鍋。啲雞好嫩滑，有雞味，個湯底鮮甜到不得了。
原切和牛雪花牛肉$198
呢個係澳洲M5和牛，色澤鮮紅，放入湯底淥三、四秒即食，口感軟腍，油花豐富。
中山脆鯇魚片$58
擺盤好靚，一片片薄薄的魚片整齊排着，好自癒。魚片口感爽脆，蘸少少加入了小青檸及砂礓的豉油，更能帶出魚肉的鮮味。
鮮珍山菌拼盤$78
有四款菇菌，牛肝菌，雞樅菌，繡球菌以及雪山松茸。每款菇吸入清甜的椰子湯味道都好清新鮮甜。我最鍾意就係雞樅菌，好爽脆清甜，繡球菌口感腍滑帶少少爽口，好特別。
椰林心形粉$48呢個粉係呢間餐廳獨有，砌成心形，都幾得意。呢種粉口感煙靭，充滿椰子嘅清香，好特別好好味，放入椰子湯食，真係好夾。
嫩雞毛菜$28
啲菜好嫩，口感有啲似通菜加小棠菜，吸入椰子湯特別清甜。
總括而言，依間火鍋的椰子雞湯真係好味，唔會似其他火鍋咁充滿油膩感，夏天食都感覺清爽，火鍋配料質素佳。
張貼
