影片
更多
2019-09-12
47 瀏覽
聽日中秋節請左假，所以星期四晚就好似 happy Friday 咁，黎食個串燒搞興個場啦。估唔到又真係正，食物品質同味道都超出正常水準，燒物烤得剛剛好金黃色，調味尤其是麻辣。椒鹽炸北海道蝦仔$48軟殼又炸得透，所以可以食埋啲殼，而且好夠蝦味。雞皮墨魚滑$38雞皮燒得干身出晒油，脆皮包住嫩滑既墨魚滑，正。燒軟骨免治雞肉棒(付月見醬汁)雞肉同軟骨混合左，軟熟既雞肉間中有小小脆脆既雞軟骨，點埋蛋黃醬油，口感同味道都好豐富。甜奶厚切牛油包$18好邪惡，麵包烤得外脆內軟，加埋厚厚既牛油同煉奶，簡直係美味既極致。海苔黑豚肉鵪鶉蛋$26豬肉烤到好香，包住軟綿綿既鵪鶉蛋口感互融， wonderful.麻辣雞軟骨$16，麻辣虎皮尖椒 $12麻辣好惹味丫，必點。海鮮方面，叫左蒜蓉粉絲燒活元貝同芝士燒活元貝，始終都係中意蒜蓉粉絲呢隻煮法, 夠晒鮮味。焦糖青蘋果鵝肝多士$78太好食啦，處理得好過出面既西餐廳，鵝肝表面燒香，底下鋪左清新微酸焦糖青蘋果，中和左鵝肝既油膩，麵包仍然係外脆內軟，一啖咬落去太滿足了。仲有叫左其他串燒不能盡錄，但食材新鮮優質點整都咁好食，仲要串燒必配既生啤買一送一，除左講我下次會再黎之外
估唔到又真係正，食物品質同味道都超出正常水準，燒物烤得剛剛好金黃色，調味尤其是麻辣。
椒鹽炸北海道蝦仔$48
軟殼又炸得透，所以可以食埋啲殼，而且好夠蝦味。
雞皮墨魚滑$38
雞皮燒得干身出晒油，脆皮包住嫩滑既墨魚滑，正。
燒軟骨免治雞肉棒(付月見醬汁)
雞肉同軟骨混合左，軟熟既雞肉間中有小小脆脆既雞軟骨，點埋蛋黃醬油，口感同味道都好豐富。
甜奶厚切牛油包$18
好邪惡，麵包烤得外脆內軟，加埋厚厚既牛油同煉奶，簡直係美味既極致。
海苔黑豚肉鵪鶉蛋$26
豬肉烤到好香，包住軟綿綿既鵪鶉蛋口感互融， wonderful.
麻辣雞軟骨$16，麻辣虎皮尖椒 $12
麻辣好惹味丫，必點。
海鮮方面，叫左蒜蓉粉絲燒活元貝同芝士燒活元貝，始終都係中意蒜蓉粉絲呢隻煮法, 夠晒鮮味。
焦糖青蘋果鵝肝多士$78
太好食啦，處理得好過出面既西餐廳，鵝肝表面燒香，底下鋪左清新微酸焦糖青蘋果，中和左鵝肝既油膩，麵包仍然係外脆內軟，一啖咬落去太滿足了。
仲有叫左其他串燒不能盡錄，但食材新鮮優質點整都咁好食，仲要串燒必配既生啤買一送一，除左講我下次會再黎之外都唔知講咩好。
張貼
