The Lounge

營業中

休息中

之前網上限時優惠買咗下午茶優惠券$500 tea set for two，比起平時價錢真係平好多。但係真係好難預訂，又經歷咗限聚令同埋禁堂食，酒店方面真係好好，幫我extend左張優惠券~先講吓環境，真係冇得輸，落地大玻璃好有空間感，現場仲有鋼琴伴奏，真係坐得好舒適。真係好適合同朋友慢慢食，傾吓計～再講下啲食物，就叫做中規中矩啦～咸點有蟹肉牛油果軟包、三文魚奶酪泡芙、西班牙火腿包，三樣都可以，係青瓜千層酥實在係Hea左啲...Scone有配兩種唔同嘅果醬同埋奶油忌廉，夠鬆軟唔會一團粉咁樣，大大個食完好飽..甜點有幾d真係甜到漏，雜莓macaron真係甜到不得了...其他幾款都冇乜印象了。服務就好好嘅，真係五星級水平，會主動幫手影相📸️同埋加水。