來佬餐館 (已結業)

早前來佬餐館慶祝開業10周年, 提供於晚市優惠$10品嘗經典食品。雖然6月嘅來佬慶生經驗麻麻地, 但朋友見優惠吸引, 想再一試!法式香草焗田螺 $88(原價)加入牛油焗製, 提升田螺豐腴細膩, 令螺肉變得甘香軟滑, 味道香濃, 再伴以香脆軟滑嘅薯蓉, 口感creamy。大蝦多士 $78好失望, 話晒加埋一都八十幾蚊, 點解可以得兩舊...😩但其實舊蝦多士幾好食, 炸得香脆唔油膩, 厚厚嘅蝦膠味道濃郁。陽光焗黑毛豬扒飯 $128隻蛋煎得好靚, 篤開蛋黃撈飯一流, 而且配料都好足, 有齊蘿蔔、菠蘿、洋葱、蕃茄, 略嫌唔夠蕃茄汁, 亦焗得過火, 有啲乾身。整體而言, 再次光顧都係性價比唔高, 只係梳化櫈幾舒服, 環境適合朋友聚會。