影片
更多
2018-06-21
5415 瀏覽
今晚媽媽唔想煮飯，所以放工我哋就約咗喺街食埋先返。喺條街碌openrice睇吓旺角有乜嘢食之際睇吓旺角有乜嘢食之際，就見到呢間名次都幾高，食嘅嘢又似小炒又似泰國越南菜嘅餐廳，毫無考慮之下，我哋就朝住「億饍」進發。有時都會覺得香港嘅文化真係好獨特，依賴電話去諗自己嘅晚餐，呢個文化唔知幾時開始；而我，亦都係唔知幾時，投入左呢個文化。「億饍」其實比較近油麻地站，佢喺譽發商業大廈嘅樓上4樓，如果唔上網睇，其實好少會知道呢間餐廳。我哋大約六點半上到去，暫時只有一台食客。原來環境真係好細，一眼就望得晒，一出電梯已經係餐廳。裝修係有啲特色嘅，主要用咗紅色做主調，感覺有少少東南亞風，不過又有個迷你水吧。一坐低，店員同我地講用膳時間為90分鐘，「限時用餐」唔知幾時開始又已經成為香港嘅用餐文化。可能呢個就係代表到香港地少人多，土地不足嘅問題啦！除咗主餐牌之外，佢另外有一張餐牌係做緊龍蝦推廣優惠睇落其實好抵食，只不過選擇上少咗，所以我哋就冇考慮；而另外一面介紹嘅係二人套餐，款式選擇好多，價錢好經濟只係感覺套餐裏面嘅食物都比較大眾化，但係就食唔到餐廳最特色果幾樣，所以我地都冇叫到。「抵食套餐」係外國並唔流行，
喺條街碌openrice睇吓旺角有乜嘢食之際睇吓旺角有乜嘢食之際，就見到呢間名次都幾高，食嘅嘢又似小炒又似泰國越南菜嘅餐廳，毫無考慮之下，我哋就朝住「億饍」進發。
有時都會覺得香港嘅文化真係好獨特，依賴電話去諗自己嘅晚餐，呢個文化唔知幾時開始；
而我，亦都係唔知幾時，投入左呢個文化。
「億饍」其實比較近油麻地站，佢喺譽發商業大廈嘅樓上4樓，如果唔上網睇，其實好少會知道呢間餐廳。
我哋大約六點半上到去，暫時只有一台食客。原來環境真係好細，一眼就望得晒，一出電梯已經係餐廳。
裝修係有啲特色嘅，主要用咗紅色做主調，感覺有少少東南亞風，不過又有個迷你水吧。一坐低，店員同我地講用膳時間為90分鐘，「限時用餐」唔知幾時開始又已經成為香港嘅用餐文化。
可能呢個就係代表到香港地少人多，土地不足嘅問題啦！除咗主餐牌之外，佢另外有一張餐牌係做緊龍蝦推廣優惠
睇落其實好抵食，只不過選擇上少咗，所以我哋就冇考慮；而另外一面介紹嘅係二人套餐，款式選擇好多，價錢好經濟
只係感覺套餐裏面嘅食物都比較大眾化，但係就食唔到餐廳最特色果幾樣，所以我地都冇叫到。「抵食套餐」係外國並唔流行，外國人甚至連餐飲都要額外付費，簡單一杯咖啡可能已經要二三十蚊。
可能外國人比較仲質不重量，但係喺物價高漲嘅香港，有啲家庭生活壓力經濟開支大，所以重量不重質嘅偏好比較多，唔係話香港人為咗慳，乜嘢狗屎垃圾都放落口，而係有得選擇嘅情況之下，佢哋多數都會揀大件夾抵食；
就係咁，所以香港好多餐廳都會推出「抵食套餐」嚟滿足鍾意食嘅香港人。
我哋最後單點左幾樣食物：大蝦柚子沙律、咖喱雜菜煲、越式炸春卷撈檬，同埋兩款燉湯。
忙碌嘅打工仔一族，有時想返屋企食個飯都難，更唔好講話飲湯......所以見到燉湯嘅時候，我同媽媽都心郁郁，每人一定要飲一盅。
燉湯佢地有好幾款選擇
因為寫明每日限量供應，所以當我哋未諗到單點邊幾樣食物嘅時候，我哋先點左燉湯。湯比我預期中快上桌！
豬肺排骨萬壽果燉湯 $72
41 瀏覽
0 讚好
0 留言
木瓜夠熟所以燉出嚟嘅湯都會甜，而且因為唔係煲出黎，所以木瓜冇爛晒；
22 瀏覽
0 讚好
0 留言
茶樹菇瘦肉燉湯 $72
19 瀏覽
0 讚好
0 留言
除左排骨之外，仲落咗少少南北杏，我諗對味道幫助唔大，不過就有清熱潤肺功效。
兩款燉湯各有各特色，同樣都好飲！
雖然一盅賣＄72，不過其實一盅都夠兩個人飲。
大蝦柚子沙律 $88
大蝦柚子沙律
$88
27 瀏覽
0 讚好
0 留言
大蝦柚子沙律
$88
13 瀏覽
1 讚好
0 留言
有四隻大蝦，大蝦食唔到雪味，都算彈牙。
大蝦柚子沙律
$88
39 瀏覽
0 讚好
0 留言
醬汁酸酸甜甜都好match柚子同埋蝦；
另外細緻位想提嘅係沙律上面仲放左啲炸蒜粒，除咗做裝飾，仲好香口同埋有口感。
咖喱雜菜煲 $108
咖喱雜菜煲
$108
8 瀏覽
0 讚好
0 留言
呢一晚好想食一個煲，不過其他都一定以肉類為主，唯獨咖喱煲可以揀雜菜，所以就要左個咖喱雜菜煲。
咖喱汁有少少稀，不過咖喱味都夠濃；
咖喱汁係辣嘅，唔係個個食得到，我媽媽食咗幾啖已經食唔到！
如果叫咖喱，我個人建議配一個白飯或者蒜蓉包，可以點埋啲咖喱汁唔使浪費。
講明係雜菜煲，裏面有五到六款蔬菜：西蘭花、豆角、娃娃菜、薯仔等等
咖喱雜菜煲
$108
10 瀏覽
0 讚好
0 留言
薯仔因為本身爛熟，所以焗得耐就變咗炆得腍。不過呢個煲嘅價錢同佢個份量就有少少唔成正比，始終只有菜裏冇肉類......
越式炸春卷撈檬 $75
越式炸春卷撈檬
$75
35 瀏覽
0 讚好
0 留言
炸春卷有兩條，再一開為二，春卷炸得香脆，裏面包住左有粉絲同埋d肉
越式炸春卷撈檬
$75
88 瀏覽
0 讚好
0 留言
要講香港嘅地道文化，真係講到2046都未完；只係飲食方面嘅原來已經有咁多！
好多係香港人已經習慣咗，但其實諗返去第二個國家未必有，就好似「限時用餐」，就絕對唔會係講求享受嘅外國發生。
食物上菜速度快，所以7:30左右已經差唔多食晒，人都開始多，當中有好多都係訂咗位，所以又眼見幾位客人因爲無位要離開。
香港，就係一個急速嘅地方，乜嘢都要快；
按住香港嘅發展步伐，大興土木，係幾十年之後，想舒服食個飯，可能就只有喺自己屋企先做到...首先要有間屋
題外話/補充資料：
-$12/人 茶位
-最好電話訂座確保有位！
(以上食評乃用戶個人意見 , 並不代表OpenRice之觀點。)
張貼
