最近幫朋友慶祝生日🎂 專登揀咗旺角呢間LAB EAT～環境真係超有feel🥰 提前訂座仲可以安排心心花座、心聲留言版同畫碟甜品，成個氣氛好浪漫✨ 我哋個畫碟仲畫咗Usagi～壽星見到即刻心心眼😍
【🍽 松露二人套餐 $398/位】
✨野生蘑菇黑松露濃湯 👍🏻👍🏻👍🏻👍🏻👍🏻 呢個湯值得一讚👏🏻 蘑菇粒粗幼啱啱好，而且松露味道香濃😍 仲有啲橄欖油喺面～趁熱飲好好飲🤤
✨ 松露燒牛肉紫菜塔可餅 👍🏻👍🏻👍🏻 呢個前菜松露味唔係好出～整體配搭雖然唔錯，但牛肉有啲過熟，所以呢個就剩係得3分🤭
✨ 松露蘑菇意大利飯 👍🏻👍🏻👍🏻 其實呢個飯整體都唔錯😉 不過份量偏少，我諗四匙羹都食晒😂 比起個湯，菇味冇咁香濃～
✨ 香煎帶子比目魚配黑松露 👍🏻👍🏻👍🏻👍🏻👍🏻 呢個主角係薯蓉加比目魚～兩個配搭都好滑💕 加埋啲黑松露成碟嘢都好香，呢個絕對值回票價😍
✨ 炭燒安格斯牛肉眼扒 +$198 👍🏻👍🏻👍🏻👍🏻👍🏻 牛扒值得俾5分👏🏻 生熟程度控制得好好，外層焦香、肉質嫩腍🤤 仲可以揀配蒜頭或者海鹽一齊食～個人覺得就咁食比點汁更好味😉
✨ 開心果檸檬蛋糕 👍🏻👍🏻👍🏻👍🏻👍🏻 呢個蛋糕以為會好甜，點知整體甜度啱啱好🥰 再加1分係因為個畫碟甜品同煙花效果好靚🎂💫 心思值得一讚💕
👍🏻👍🏻👍🏻👍🏻👍🏻（最推薦）- 👎🏻（可以唔使試）
