影片
更多
2018-05-25
816 瀏覽
星期五既晚上同幾個女仔朋友慶祝生日，黎到呢有feel既餐廳餐廳裝修係復古feel，燈光暗都幾有情調。坐底冇耐一位靚仔服務員過黎歡迎我地，簡單介紹左餐廳既背景，仲有餐單同酒單。我地揀左支佢地secret wine list既其中一支白酒，'111 kuhlman-platz'$450，對酒既認識唔係好多，不過呢個都幾易入口，幾岩女仔飲。坐左無耐服務員見我地都仲未落單就走過黎續樣介紹餐單上面既菜式。佢推介我地可以食魚，話今日有1.2kg既多寶魚，仲走入廚房拎左條魚出黎俾我地睇，我地見佢咁落黎sell就叫左...點知就中伏了。grilled turbor 1.2kg $1200講真，條魚係大條既，但肉唔係特別多，味道方面真係好差！雖然上面有好多蒜片，但一d蒜味都冇，鹹到痴線，在坐咁多位食完條魚都覺得好難食，又唔係特別滑，仲要咁貴，伏啊！BBQ cauliflower $68BBQ椰菜花，份量小得可憐，得三四粒切半既椰菜花。味道冇咩特別，唯獨上面既沙律醬有令到個菜加小小分eggplant fries $68呢個比較特別，係其他餐廳冇食過，食落唔似茄子，好似食緊魚手指咁，加埋蜜糖或者千島醬食，味
餐廳裝修係復古feel，燈光暗都幾有情調。
坐底冇耐一位靚仔服務員過黎歡迎我地，簡單介紹左餐廳既背景，仲有餐單同酒單。
我地揀左支佢地secret wine list既其中一支白酒，'111 kuhlman-platz'$450，對酒既認識唔係好多，不過呢個都幾易入口，幾岩女仔飲。
坐左無耐服務員見我地都仲未落單就走過黎續樣介紹餐單上面既菜式。
佢推介我地可以食魚，話今日有1.2kg既多寶魚，仲走入廚房拎左條魚出黎俾我地睇，我地見佢咁落黎sell就叫左...點知就中伏了。
grilled turbor 1.2kg $1200
講真，條魚係大條既，但肉唔係特別多，味道方面真係好差！雖然上面有好多蒜片，但一d蒜味都冇，鹹到痴線，在坐咁多位食完條魚都覺得好難食，又唔係特別滑，仲要咁貴，伏啊！
BBQ cauliflower $68
BBQ椰菜花，份量小得可憐，得三四粒切半既椰菜花。味道冇咩特別，唯獨上面既沙律醬有令到個菜加小小分
eggplant fries $68
呢個比較特別，係其他餐廳冇食過，食落唔似茄子，好似食緊魚手指咁，加埋蜜糖或者千島醬食，味道都不錯。
Croquettes $90
呢個外表平平無奇，餡料係撈忌廉加d肉碎。食落去幾好食，又唔會好乾，個餡既味道好似忌廉蘑菇湯咁。
broken egg$130
上菜既時候服務員有叫我地唔洗怕醜，可以先影相，之後再幫我地撈勻，食材好簡單，只有雞蛋、焗薯片、切到好細好細粒嘅蘑菇粒，再加沙律醬。呢啲食材好難做到難食，而且定價太高。
總括來講，晚餐嘅食物不過不失，但係服務值得一讚，當晚係我一位朋友生日，服務員除咗同我地一齊唱生日歌之外，餐廳仲有幫我地影即影即有同埋送上生日卡，好有心。
張貼
