影片
更多
2025-05-01
79 瀏覽
啱啱喺過咗去嘅星期日，同老公提早出去慶祝結婚周年，其實都提早咗幾日嘅，因為之後啲時間比較忙，所以見星期日嗰日得閒就出咗去食飯慶祝。今次呢間餐廳係我細佬推薦俾我嘅，佢同我講家姐一定要出去試呢個壽喜燒好食，咁就啱啦，我哋兩公婆咁啱就諗唔到食乜，而老公又好鍾意食壽喜燒，所以唔使諗啦就食呢間啦。今次介紹呢間壽喜燒舖頭，店名叫做@sukikansaihk 「壽喜關西」，呢間舖頭有兩間分店一間喺尖沙咀一間喺銅鑼灣，我哋今次去嗰間係尖沙咀嘅。俾個提示大家，由於舖頭座位唔多，唔想等位嘅，記得上網訂位！記得上網訂位！記得上網訂位！重要事情係要講三次嘅。入到舖頭一坐低見到牆上面有個提示，哈哈，點解我會咁留意呢？因為見到送啤酒呀？只要喺舖頭打卡喺社交平台Tag 返舖頭名，就可以選擇白啤或者黑啤一杯，舖頭好細心呀，唔飲啤酒嘅人點算呀？可以選擇送你一份肉。不過送完即止啊，如果有興趣嘅記得問咗店舖職員先！好啦廢話講完啦，講返今次主題啦就係壽喜燒，有三款肉俾你選擇啦，睇吓你鍾意食牛味重啲啊，油份多啲啊，還是想兩樣都啱啱好，之後呢就有兩個重量俾你去選擇就係120 g同埋180 g，今次我同老公選擇咗兩份都係180g，
今次呢間餐廳係我細佬推薦俾我嘅，佢同我講家姐一定要出去試呢個壽喜燒好食，咁就啱啦，我哋兩公婆咁啱就諗唔到食乜，而老公又好鍾意食壽喜燒，所以唔使諗啦就食呢間啦。
今次介紹呢間壽喜燒舖頭，店名叫做@sukikansaihk 「壽喜關西」，呢間舖頭有兩間分店一間喺尖沙咀一間喺銅鑼灣，我哋今次去嗰間係尖沙咀嘅。
俾個提示大家，由於舖頭座位唔多，唔想等位嘅，記得上網訂位！記得上網訂位！記得上網訂位！重要事情係要講三次嘅。
入到舖頭一坐低見到牆上面有個提示，哈哈，點解我會咁留意呢？因為見到送啤酒呀？只要喺舖頭打卡喺社交平台Tag 返舖頭名，就可以選擇白啤或者黑啤一杯，舖頭好細心呀，唔飲啤酒嘅人點算呀？可以選擇送你一份肉。不過送完即止啊，如果有興趣嘅記得問咗店舖職員先！
好啦廢話講完啦，講返今次主題啦就係壽喜燒，有三款肉俾你選擇啦，睇吓你鍾意食牛味重啲啊，油份多啲啊，還是想兩樣都啱啱好，之後呢就有兩個重量俾你去選擇就係120 g同埋180 g，今次我同老公選擇咗兩份都係180g，因為我老公比較大食啊所以叫多啲。
呢度食壽喜燒呢係全自助，自己煮所以肉幾成熟就睇你自己控制，可能你會話壽喜燒未試過自己煮喎，唔驚呀佢有份圖教你，你跟住做就冇問題㗎啦，連我個咁傻瓜嘅老公都冇問題，所以其實係冇難度㗎🙈平時喺屋企都係我煮飯，今次等我做大小姐抖抖先，等老公煮俾我食叫佢餵埋我先！
簡單講一講啦，份餐送到嚟會有嚿牛脂，夾起嗰舊牛脂用嚟開鍋，等啲牛脂迫晒啲油出嚟，之後有一隻蘭王雞蛋俾你，將隻雞蛋攪勻。之後就落壽喜燒汁，壽喜燒汁就因人喜愛落得多定落得少，夾起嚿肉兩邊煎熟佢，要食幾熟就睇你自己啦，我同我老公兩個食好生，店員都話呢度啲肉好靚㗎，唔係太熟都OK 㗎放心，認真佢地啲肉質好靚㗎。好啦煎熟咗之後點雞蛋就可以食啦（黐線超好味呀加咗雞蛋），好難食晒牛肉之後就將啲菜啊冬菇啊金菇啊豆腐啊芋絲啊放晒落去，之後旁邊有昆布湯加適當嘅份量將蔬菜煮熟就完成㗎啦！
張貼
