Running 燒 (已結業)

平日少落旺角搵食，咁啱同朋友們行開買嘢, 見到有燒肉放題，由於大家都嗜肉又咁啱平日唔多人等，所以決定試下呢個任食燒肉。 上到9樓，至發現地方都幾闊落下, 亦都唔太油煙，冇一般韓式放題餐廳背貼背嘅情況出現。大家一坐下就急不及待地揀食物, 食物選單有很多選擇。 這天我有點懶, 這個"點食物"的重任還是交給他人, 我只是去揀飲品好了。飲品款色多，而且很特別，有我最愛嘅道地綠茶。佢還有我燒烤時最鍾意食既鯖魚，Yummy!!!點的食物陸陸續續上枱，先來是大蝦，就把牠拼帶子一起燒吧！大蝦真係幾大隻同爽，帶子亦甜!另外仲有叫咗幾款牛，最好味我覺得係有骨嘅牛肋骨，可能因為油份多d同平均d，另外雪花牛仔肉都唔錯! 總括黎講二百幾蚊價錢可以滿足一班食肉獸。