夢工房西日料理 (已結業)

好耐無食放題,搵左夢工房見唔錯,餐廳係2樓如果搭地鐵一出就見到電梯,好方便!6:40已經到,時間咁早都7成滿,book左枱唔洗等就入得,餐廳雖然唔算好大,但枱唔會放得好迫,坐得幾舒服野食款式好多,有d都幾特別,仲可以打邊爐,配料一樣唔算少麻辣豬腸,好好食,真正豬大腸好肥美,有咬口!黃金焗蠔,蒜香燒蠔,雖然肉比較細少,但其他餐廳其實一樣,只係將一堆醬放落去遮住左,蒜香果款蠔好香炸天婦羅只食左幾款,炸粉好薄亦係新鮮炸起,所以好香脆,亦唔覺得油膩串燒度度都差不多,上枱時夠熱,多春魚香口,壽司同刺身encore左好多次,幾鮮甜而且無雪味!牛油焗什菌,羊架,芝士量毫不吝嗇比好多,只靠牛油芝士,熱辣辣好惹味,羊架薄身無so味,唔會好硬,2樣都encore之選最後飲品同甜品絕對係回本位,選擇好多,有apple cider同hoegaarden! 可樂亦有,唔係平價飲品甜品有2個櫃,我食左好多melona野食真係唔差,選擇亦多,最欣賞佢全部都用小碟小碗,唔洗食到趕頭趕命清枱,侍應亦會主動收拾,無漏過單!