影片
更多
2022-10-10
3741 瀏覽
《阿來泰式地道風味 - 旺角》🥰有時唔知食咩好，泰國菜會係個唔錯既option😉之前喺旺角返工我成日都會去一間好家庭式嘅泰國餐廳食嘢，價錢公道而且款式好多，晏晝去食lunch總會排晒長龍😆當日我係下午茶時段去，避開咗人流最多嘅時候，所以啲餸菜都上得特別快🤓當日一共點咗三樣嘢食同埋兩杯飲品💁🏻♀️泰式肉碎生菜包 $88每次食泰國菜，男朋友一定會叫生菜包，肉碎嘅份量好多，基本上用晒所有生菜都未食得晒啲肉碎💪🏻入需有好多切碎咗嘅肥豬肉同埋香料，所以食落特別香口👍🏻我都幾鍾意呢個口味，如果可以在辣少少就好啦😆💁🏻♀️飛天通菜 $68飛天通菜用嘅醬料都好濃味，有蒜蓉又有辣椒，好惹味😋通菜食落冇渣，每一條菜都索晒啲醬汁😂最後都俾我哋清晒💁🏻♀️泰式香芒蟹肉炒飯 $73呢個炒飯我都係第一次食，平時我多數會叫泰式金邊粉，香芒果肉份量都唔少，個炒飯食落甜甜地，零舍開胃，我最鍾意就係呢啲又咸又甜嘅菜式😛男朋友都話幾好味👍🏻💁🏻♀️青檸梳打 $25呢一杯青檸梳打唔係我叫的😂感覺好似好酸咁，不過男朋友話夠晒解渴，夏天飲確實係唔錯💁🏻♀️泰式奶茶 $25基本上每次食泰國嘢我都一定會試嗰間餐廳嘅泰式奶茶🥤曾經有一
🥰有時唔知食咩好，泰國菜會係個唔錯既option😉之前喺旺角返工我成日都會去一間好家庭式嘅泰國餐廳食嘢，價錢公道而且款式好多，晏晝去食lunch總會排晒長龍😆當日我係下午茶時段去，避開咗人流最多嘅時候，所以啲餸菜都上得特別快🤓當日一共點咗三樣嘢食同埋兩杯飲品
💁🏻♀️泰式肉碎生菜包 $88
每次食泰國菜，男朋友一定會叫生菜包，肉碎嘅份量好多，基本上用晒所有生菜都未食得晒啲肉碎💪🏻入需有好多切碎咗嘅肥豬肉同埋香料，所以食落特別香口👍🏻我都幾鍾意呢個口味，如果可以在辣少少就好啦😆
💁🏻♀️飛天通菜 $68
飛天通菜用嘅醬料都好濃味，有蒜蓉又有辣椒，好惹味😋通菜食落冇渣，每一條菜都索晒啲醬汁😂最後都俾我哋清晒
💁🏻♀️泰式香芒蟹肉炒飯 $73
呢個炒飯我都係第一次食，平時我多數會叫泰式金邊粉，香芒果肉份量都唔少，個炒飯食落甜甜地，零舍開胃，我最鍾意就係呢啲又咸又甜嘅菜式😛男朋友都話幾好味👍🏻
💁🏻♀️青檸梳打 $25
呢一杯青檸梳打唔係我叫的😂感覺好似好酸咁，不過男朋友話夠晒解渴，夏天飲確實係唔錯
💁🏻♀️泰式奶茶 $25
基本上每次食泰國嘢我都一定會試嗰間餐廳嘅泰式奶茶🥤曾經有一排我係超沉迷飲泰茶㗎😎呢一杯泰式奶茶冇傳統嘅咁甜，反而佢個茶味比較出， $25一大杯價錢公道
總括而言，呢間泰國餐廳水準一向都keep得好好，而且價錢實惠，平時午餐下午茶都會有特價套餐選擇，所以吸引到好多喺附近返工嘅人黎食飯☺️由於我哋係散叫餐牌上面嘅菜式冇叫到茶餐，所以兩個人埋單$279，不過真係食到好飽😂連甜品都冇位食啦
張貼
