更多
2019-07-08
10316 瀏覽
早排假日同咗我嘅幾位好友去食lunch buffet，呢到嘅buffet，就算係紅日都只係要$198一位，價錢都幾經濟，咁當然，咁平嘅價錢，大家對食物種類嘅期望都要因應價錢有所調整。海鮮有好幾款選擇，小龍蝦、 海蝦、白蜆等等都有，新鮮，好快被人拎哂，不過refill都幾快。餐廳最近promo緊越式食物，都幾驚喜，淨係越式沙律都有成5款，牛肉沙律同魷魚沙律真係第一次試，都幾特別值得一試。刺身我都唔知有幾多款，因為太搶手，長期都唔齊腳😆 三文魚壽司我都食咗好幾轉，雖然唔算肥美，但都新鮮好食。熟食區嘅龍脷柳好好食，佢係蒸嘅，雖然無咗份煎香嘅味道，但由於個汁處理得唔錯，完全可以帶出魚味，要試吓。話明越式，當然唔少得食越南pho，有多款配料可選，湯底當然未去到越南嗰啲咁濃郁，但都唔錯，可以過吓口癮。甜品賣相精美，都幾多款揀。其中檸檬撻幾好食，撻邊鬆化，檸檬味清新。最特別係呢到有即製雞蛋仔，我就去拎埋haggen-dazs雪糕伴住嚟食。飲品方面呢到既有罐裝飲品，又有果汁特飲等，誠意十足。需加一服務費，埋單4人約$870。如果你鍾意睇我嘅食評，不妨關注我，支持吓我，謝謝你☺️💕
海鮮有好幾款選擇，小龍蝦、 海蝦、白蜆等等都有，新鮮，好快被人拎哂，不過refill都幾快。
餐廳最近promo緊越式食物，都幾驚喜，淨係越式沙律都有成5款，牛肉沙律同魷魚沙律真係第一次試，都幾特別值得一試。
刺身我都唔知有幾多款，因為太搶手，長期都唔齊腳😆 三文魚壽司我都食咗好幾轉，雖然唔算肥美，但都新鮮好食。熟食區嘅龍脷柳好好食，佢係蒸嘅，雖然無咗份煎香嘅味道，但由於個汁處理得唔錯，完全可以帶出魚味，要試吓。
話明越式，當然唔少得食越南pho，有多款配料可選，湯底當然未去到越南嗰啲咁濃郁，但都唔錯，可以過吓口癮。
甜品賣相精美，都幾多款揀。
其中檸檬撻幾好食，撻邊鬆化，檸檬味清新。
最特別係呢到有即製雞蛋仔，我就去拎埋haggen-dazs雪糕伴住嚟食。
飲品方面呢到既有罐裝飲品，又有果汁特飲等，誠意十足。需加一服務費，埋單4人約$870。
如果你鍾意睇我嘅食評，不妨關注我，支持吓我，謝謝你☺️💕
張貼
