影片
更多
2022-05-19
313 瀏覽
同朋友行M+，見呢間餐廳都幾靚，就入去食個lunch。冇book位，但都唔洗等，可能係平日，唔算太多人。帶位嘅侍應小姐喺我同朋友都未坐低嘅時候就指住個menu話 「呢3個餐都冇，同埋xx, xx都冇」，我同朋友真係啱啱坐低，冇望住佢個menu, 朋友問「係邊幾個餐呀話？」然後佢係完全唔耐煩嘅語氣重覆「呢3個餐冇，即係冇早餐呀」 其實你直接講冇早餐咪得囉🙄已經俾佢嘅態度嚇親，環境係靚㗎，不過地下有時有啲紙巾喺度係冇人執㗎。唔叫唔俾水飲😑叫咗2份餐，fish and chips同angus beef cheese burger ，諗緊飲咩時搵唔到個drink menu, 侍應全程唔出聲唔幫手拎個menu出嚟，由得我地搵，直到我話「冇drink menu唔飲囉」，佢先幫忙搵個drink menu出嚟，之後唔嘥佢10秒已order咗2杯飲品，自問冇俾啲咩麻煩你，冇嘥你幾多時間，咩態度呢？之後有另一位侍應俾2隻碟我哋，一隻係完全唔夠手長但又唔肯行多步放喺我個位到，完全係圖中嘅位置，全程冇講過野，唔講我以為去咗茶餐廳食飯！上咗2份餐之後冇幾耐，有侍應行嚟收走剛才果2隻碟，然後自言自語「哦原來唔係s
帶位嘅侍應小姐喺我同朋友都未坐低嘅時候就指住個menu話 「呢3個餐都冇，同埋xx, xx都冇」，我同朋友真係啱啱坐低，冇望住佢個menu, 朋友問「係邊幾個餐呀話？」
然後佢係完全唔耐煩嘅語氣重覆「呢3個餐冇，即係冇早餐呀」 其實你直接講冇早餐咪得囉🙄
已經俾佢嘅態度嚇親，環境係靚㗎，不過地下有時有啲紙巾喺度係冇人執㗎。
唔叫唔俾水飲😑
叫咗2份餐，fish and chips同angus beef cheese burger ，諗緊飲咩時搵唔到個drink menu, 侍應全程唔出聲唔幫手拎個menu出嚟，由得我地搵，直到我話「冇drink menu唔飲囉」，佢先幫忙搵個drink menu出嚟，之後唔嘥佢10秒已order咗2杯飲品，自問冇俾啲咩麻煩你，冇嘥你幾多時間，咩態度呢？
之後有另一位侍應俾2隻碟我哋，一隻係完全唔夠手長但又唔肯行多步放喺我個位到，完全係圖中嘅位置，全程冇講過野，唔講我以為去咗茶餐廳食飯！
上咗2份餐之後冇幾耐，有侍應行嚟收走剛才果2隻碟，然後自言自語「哦原來唔係share」，我地從來冇講過share唔share, 你唔肯定咪問囉！完全同我哋冇溝通。🙄
食物係ok好食，都未算好有驚喜，份份餐都過百，有相對嘅質素好應該。
走時係另一位紮馬尾侍應收錢，終於正常返啲，有笑容有禮貌，但整個lunch都唔多愉快，坐得幾舒服都冇用，唔會再試！
張貼
