響日本燒肉 (已結業)

有朋友介紹 ，所以今次一行八人 ，星期日中午嚟試下呢一間燒肉店。 環境裝修普普通通， 坐位及枱空間感－般。 燒烤爐用煙通式抽氣，係比較舊式嘅設計。 套餐方面，以牛肉嘅級數同食品總類作區分， 由於用餐時間只有兩個小時 ， 以自己燒烤嚟計， 係會有啲趕 ， 太多嘢食根本唔夠時間食。所以我哋叫咗最平嘅package $328一位，另加$48就包埋酒水。 落order係自己素描QR code， 方便簡單。 坐低冇耐，會根據人頭先上一盤刺身，當中有四款可以不斷order， 但唔包括生蠔帶子。 刺身新鮮程度合格， 生蠔亦有水準。 跟住又係根據人頭送上一盤什錦燒肉， 整體上都好好食， 係覺得豬肉麻麻。 酒類，我哋試咗兩款清酒同紅酒，不過不失，唔會難入口。 至於其他熟食， 榴槤脆波，印象最深刻 ，幾好味。 其他就正常發揮啦。 整體用餐值78分